DEFENDE O MONTE PITUCO (Pornedo)

A Asociación Vaipolorío vén de organizar unha curiosa convocatoria: percorrer a ribeira do Gafos seguindo os pasos do Padre Sarmiento, na procura dunha planta catalogada co nome científico de Myosotis discolor e coñecida co nome popular de “orella de rato” pola forma enroscada do seu talo.

…Non apareceu! Unha ducia de rastreadores botánicos guiados polo botánico Francisco Javier Silva-Pando, o mestre Amancio Castro, e o escritor Calros Solla, co presidente e mais co secretario de Vaipolorío, Gonzalo Sancho e Xosé Manuel Feijóo, como anfitrións, pescudaron entre fentos, hedras, estalotes e herbas. Pero se atopou “orella de rato”, de modo que a visita repetirase noutra data para seguir na súa procura.

A andaina tiña outros retos relacionados coa flora fluvial do Gafos: dar cunha planta coñecida como ‘pan e queixo’ (Potentilla erecta, no seu nome científico). Neste caso si houbo sorte e un dos participantes no roteiro localizou un exemplar. Parabéns!

Amancio Castro, á esquerda, comprobando que a planta atopada coincidía coa Potentilla erecta

Tamén se localizaron varios exemplares dunha planta de gran porte e amplas follas, a Heracleum sphondylium, coñecida como pé de oso.

Ruta polo Gafos, con Vaipolorío

Ruta polo Gafos, con Vaipolorío

Polo demais, foi unha xornada ben interesante, respirando aire puro, sentindo o canto da auga no río, escoitando a fauna avícola da contorna, e gozando dunha primavera que nos colma de flores…

…Sempre é un gusto voltar ao Gafos e aprender dos voluntarios dun colectivo exemplar como Vaipolorío…

Variedade de Prunus

Ruta polo Gafos, con Vaipolorío

Ruta polo Gafos, con Vaipolorío

Grosella negra

Digitalis purpurea, estalote

Lamium maculatum, falsa ortiga

Ruta polo Gafos, con Vaipolorío

Ruta polo Gafos, con Vaipolorío

Ponte Valentín

Ruta polo Gafos, con Vaipolorío

Ranunculus acris, botón de ouro

Zona da turbeira

O magnífico carballo do río Gafos

Flores de acacia acumuladas no leito do río

A Flora do Río Gafos

O río da memoria

Cómpre destacar a importancia de combinar actividades divulgativas ao aire libre co traballo de investigación e do coñecemento plasmado en formato impreso. De Vaipolorío destaca que sempre apoia os seus roteiros en materiais bibliográficos; nesta ocasión os libros “A flora do río dos Gafos”, de Francisco Javier Silva-Pando e Amancio Castro, e “O río da memoria”, de Calros Solla.