DEFENDE O MONTE PITUCO (Pornedo)

Despedimos a unha gran “Señora” que marchou discretamente, deixando un ronsel de admiración e de agarimo entre quen tivemos a honra de coñecela. Muller valente e de brava estirpe, exemplo dunha xeración marcada pola guerra, polo sacrificio e polo traballo duro para saír adiante. Muller rural e orgullosa da súa terra, que inculcou na familia o compromiso coa identidade do país. Muller inspiradora, modelo de dignidade, semente de afouteza para o ‘balcón da ría’, como o seu fillo, Xan Montenegro. Dúas estrelas que xa relumbran xuntas no alto do Pornedo. Ata sempre!

Lucinda Villanueva Nores (1922-2020), in memoriam