Publicado por: MontePituco | 30/11/2017

SOBRE A SENTENZA DO TSXG CONTRA O POLÍGONO INDUSTRIAL DO PXOM

A sentenza do TSXG que rexeita a clasificación do Monte Pituco (Pornedo) como solo industrial no PXOM de Marín é consecuente co fallo do mesmo Tribunal que xa en maio deste ano se pronunciou no mesmo sentido contra a inclusión do Monte Pituco no Plan Sectorial de Ordenación de Áreas Empresariais deseñado pola Xunta; unha resolución que dende este pasado mes de setembro é firme e irrevocable. Dende a Asociación Monte Pituco celebramos con moita ledicia esta nova, aínda sendo prudentes e respectuosos diante da posibilidade de recurso de casación por parte do Goberno municipal.

Queremos dedicarlle esta nova vitoria xudicial ás persoas que xa non a poden celebrar connosco: os veciños Xan Montenegro, Saturno Vidal e Esmeralda Ruibal, que nos deixaron sabendo que o “balcón da ría” ten valores ambientais, culturais e paisaxísticos merecedores de conservalo e protexelo no marco do Espazo Natural dos Montes do Morrazo. Tamén agradecer a confianza e a dedicación do equipo xurídico que nos permitiu chegar ata aquí.

Dende que en decembro de 2009 este modesto colectivo comezou a dar os seus primeiros pasos na defensa do monte, foron numerosos os atrancos: un Concello entón gobernado por un alcalde do PSOE -Francisco Veiga- que se negou en repetidas ocasións a recibirnos e que chegou a admitir en sede plenaria que o máximo que fixera fora atendernos uns minutos por teléfono e nas escaleiras da Casa Consistorial; a mesma Casa Consistorial onde o edil socialista de parques e xardíns -Manuel Pazos Lamoso- nos asegurou que o Monte Pituco era o sitio “máis chan de todo Marín”; e onde o daquela concelleiro de Urbanismo do BNG afirmou que se o Monte Pituco tiña protección ambiental, “desafectábase, e punto”, ademais de lembrar que a edil nacionalista de cultura -Esther Crespo- rexeitou apoiar o proxecto do Espazo Natural e Arqueolóxico dos Sete Camiños pola catalogación do Pituco como solo industrial.

Os atrancos continuaron co cambio de goberno e a entrada do PP, que en todo este tempo non deu ningún paso tendente á revisión do Planeamento en materia de solo industrial, nin tampouco se dignou en apoiar dende o punto de vista da promoción turística o Espazo Natural e Arqueolóxico dos Sete Camiños cando a iniciativa se materializou no verán de 2015, como tampouco a concellería de Cultura fixo nada pola protección e posta en valor do patrimonio arqueolóxico do Monte Pituco en particular nin de San Xián en xeral malia ser a parroquia marinense coa maior densidade de xacementos de arte rupestre.

En vez de solidarizarse, apoiar e colaborar nas accións legais, culturais e informativas que se impulsaron con moito esforzo económico e persoal por parte dos integrantes da Asociación Monte Pituco, como cabía esperar dunha comunidade de montes responsable e preocupada por defender a integridade dun territorio que por lei se considera “indivisible, inalienable, imprescriptible e inembargable”, na de San Xián atopamos unha forte resistencia dos seus dirixentes, expectantes ante os intereses económicos que xeraban as pretensións do Concello e da Xunta para urbanizar o Pituco.

Un sector da parroquia chegou ao extremo de impulsar un auténtico acoso aos promotores da Asociación Monte Pituco, cunha campaña de desprestixio nas redes sociais, saboteando os carteis cos que o colectivo anunciaba as súas actividades e mesmo agredindo reiteradamente os sinais informativos do Espazo Sete Camiños, como aínda vimos de constatar con indignación esta mesma semana no panel instalado a carón da pista forestal de acceso ao monte, cuxa lámina xa fora arrincada a finais do ano pasado.

Pero en absoluto o negativo pesa máis que a valiosa carga positiva que nos vén deparando esta longa experiencia: no camiño temos coñecido a moitas persoas e entidades vencelladas á cultura e ao patrimonio, ao medio ambiente e ao ámbito dos montes veciñais, que nos ofreceron apoio, axuda e asesoramento. Temos aprendido canda eles a coñecer máis e mellor o monte que nos rodea; temos colaborado en numerosas iniciativas e máis accións nas que seguiremos traballando conxuntamente.

Por citar algunhas, dende a Plataforma en Defensa dos Montes do Morrazo, Queremos Galego Marín ou o Colectivo Cultural Ronsel a nivel comarcal e local, ata a Organización Galega de Comunidades de Montes Veciñais en Man Común ou a Federación Ecoloxista Galega no eido autonómico.

Con esta segunda sentenza, a Asociación Monte Pituco pide RESPECTO tanto ao propio colectivo como á dobre decisión do TSXG de validar os valores medioambientais, patrimoniais e paisaxísticos que xa foran acreditados nos informes técnicos elaborados a instancias da organización veciñal, probando a inviabilidade económica do polígono proxectado.

A Asociación Monte Pituco tamén fai un chamamento á cidadanía para que se anime a coñecer esta parte aínda non suficientemente valorada da xeografía marinense, a sentir orgullo por contar cun espazo rico en biodiversidade e elementos de interese histórico-cultural, e a promover o seu coidado para que a súa situación mellore. O labor da Asociación Monte Pituco seguirá sendo a protección deste enclave e do monte de San Xián, o fomento da cultura e do patrimonio da parroquia, e a divulgación a todos os niveis -social, educativo, corporativo- da importancia desta riqueza.

La Voz, 30 novembro 2017

La Voz de Galicia, Pontevedra: “El Monte Pituco no será industrial

Faro, 30 novembro 2017

Faro de Vigo, Pontevedra: “El TSXG anula del Plan Xeral de Marín el parque empresarial de Monte Pituco“.

Faro, 30 novembro 2017

Faro de Vigo: “Un proyecto con un importante impacto visual y ambiental“.

Diario, 30 novembro 2017

Diario, 30 novembro 2017

Diario de Pontevedra: “El TSXG obliga al PXOM a anular el uso industrial del suelo del Monte Pituco  

PontevedraViva, 29 novembro 2017

PontevedraViva: “El TSXG anula la clasificación del Monte Pituco como suelo industrial en el Plan Xeral de Marín“.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: