DEFENDE O MONTE PITUCO (Pornedo)

A Asociación Monte Pituco (Pornedo) fai saber:
Que a día de hoxe -29 de novembro- deuse a coñecer a sentenza da Sala do Contencioso-Administrativo do Tribunal Superior de Xustiza de Galicia sobre a demanda presentada por este colectivo veciñal contra o Concello de Marín pola clasificación do Monte Pituco (Pornedo) como solo industrial no Plan Xeral de Ordenación Municipal. A Sección Segunda ANULA as determinacións do PXOM de Marín relativas á clasificación dos terreos incluidos no solo urbanizable delimitado de uso industrial (SUD PL-1), “sen que proceda facer pronunciamento sobre a clasificación de dito solo, que será a que lle correspondera con anterioridade á aprobación do plan recorrido”.
…Dámoslle as GRAZAS, en primeiro lugar ao equipo xurídico por esta segunda vitoria xudicial trala sentenza do TSXG ordeándolle á Xunta retirar o Monte Pituco do Plan Sectorial de Áreas Empresariais. E dámoslle as GRAZAS a todas as persoas que dende 2009 se puxeron ao noso carón, axudándonos, apoiándonos, dándonos alento.

Seguimos adiante!