Os arqueólogos Roberto Aboal, Elena Cabrejas e Rafael María Rodríguez, xunto coa historiadora Marisa Pazos participan ás 19:30 horas no salón de actos do IES As Barxas de Moaña, nunha charla sobre a excavación arqueolóxica que se realizou no castro de Montealegre con motivo da primeira fase das obras do Corredor do Morrazo.
Ante a decisión da Consellería de Infraestruturas de iniciar sondeos xeotécnicos no interior do túnel que discorre debaixo do castro para valorar a viabilidade de amplialo sen ter que afectar o resto do poboado castrexo, a Plataforma Salvemos o Castro de Montealegre vén de amosar certa satisfacción polo que perciben como un “cambio de posición”, pero manteñen a “alerta” e a “cautela”.
Non sorprendería que a Xunta estivese manobrando de xeito artificioso e de cara ‘á galería’ para posteriormente acabar xustificando o mantemento do trazado inicial aducindo calquera tipo de problema técnico.
Fai ben a Plataforma en manter firme o seu posicionamento a prol da afección cero ao castro, que xa foi parcialmente afectado cando se abriu o Corredor.
DEFENDE O MONTE PITUCO (Pornedo) 
Deixar unha resposta