DEFENDE O MONTE PITUCO (Pornedo)

A reiteración dos verquidos ilegais no Monte Pituco está acadando cotas intolerables, inadmisibles. A pista forestal suma -que teñamos constancia- ata seis puntos onde se acumulan distintos tipos de residuos.

No mesmo inicio da pista, onde había un sinal prohibindo as verteduras de lixo -e que foi inexplicablemente RETIRADO-, fixeron un depósito de entullos ao mesmo pé do poste.

O máis recente que atopamos esta semana consta de polo menos unha ducia de bolsas de plástico, do estilo das utilizadas para o lixo doméstico, que están cheas de restos de obra, ademais de botellas, caixas de tabaco e envoltorios de materiais de construcción. Amoreadas contra a vexetacións, están no mesmo lugar onde o pasado Nadal foi abandonado un lote de portas.

Outro verquido de entullos na pista forestal do Pituco (Pornedo)

Outro verquido de entullos na pista forestal do Pituco (Pornedo)

Outro verquido de entullos na pista forestal do Pituco (Pornedo)

Outro verquido de entullos na pista forestal do Pituco (Pornedo)

Máis arriba deste verquido hai outro con numerosos fragmentos de formigón ao que se suma o lixo acumulado dende hai un ano a carón do túnel da Variante: un sofá vello, cristais, ferros, plásticos, cables…

O colmo dos verquidos é o localizado o pasado mes de xullo na Fonte das pulgas, convertido nun vergoñento desguace onde se acumulan arredor de medio cento de defensas de coches. Descuberto a raíz do desbroce da zona, os restos dos vehículos puideron ser despositados tempo atrás, a xulgar pola vexetación seca que cobre a maioría das pezas. Se non se axiliza a súa retirada, o fento e as silvas están volvendo medrar enriba, ante a pasividade da Comunidade de Montes de San Xián, cuxa actitude cara ao Monte Pituco caracterízase polo abandono, a indiferencia e o desprezo.