Publicado por: MontePituco | 14/07/2018

O PETRÓGLIFO D’A PENA ‘VOLVE Á CASA’

Representación do petróglifo d'A Pena, en cerámica

O pasado mes de xuño tivemos a oportunidade de participar nun curso de gravado e esgrafiado en cerámica, organizado polo taller Alén das Olas. Os gravados rupestres foron o eixe temático da actividade e, como homenaxe ao patrimonio estragado, esquecido ou desaparecido, quixemos representar o petróglifo de A Pena, que se atopaba nun penedo -de aí o topónimo do lugar- que desapareceu a raíz das obras da Variante; probablemente sepultado polo recheo actual. 

Homenaxe ao patrimonio perdido, mais tamén homenaxe á persoa que fixo todo o que puido -malia que sen éxito- para evitar que se perdese: Xan Montenegro. Porque non foron poucas as veces que Xan acudiu a delegación de Patrimonio, enviou escritos, comunicados de prensa e deu a voz de alarma para que ese elemento fose documentado xa que, malia existir e haber cando menos unha fotografía que así o testemuñaba, non figuraba no catálogo oficial de Bens de Interese Cultural. Os intereses da Administración -e quizais outros ‘intereses’ paralelos- para non demorar a construcción da Variante coa localización dun petróglifo que seguramente podería ter paralizado as obras -ou mesmo alterar o seu trazado nese punto- foron a todas luces un factor determinante para que os esforzos de Xan Montenegro por protexer o petróglifo d’A Pena, foron en van.

Representación do petróglifo d'A Pena, en cerámica

Pero, aínda que de xeito simbólico, esa pequena figura de círculos concéntricos e cazoletas ‘volveu á casa’… Unha placa cerámica feita por mans inexpertas, aínda que perfeccionistas, lembra a existencia deste malogrado gravado rupestre. 

Unha vez seca a arxila, e co acabado final a verniz aplicado por Alén das Olas, puidemos traer esta humilde representación do petróglifo d’A Pena a onde aproximadamente sería a súa ubicación orixinal. Dende logo, imaxinando como sería aquel lugar hai miles de anos, na Idade do Bronce, cando os antigos moradores deste lugar elixiron este outeiro para deixar as súas pegadas nas pedras, hailles que recoñecer o bo gusto: a ollada panorámica sobre o val… o ‘skyline’ das montañas no horizonte… a inspiración.

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: