Neste 22 de abril, coincidindo co Día da Terra, as rúas de Compostela foron o itinerario dunha nova manifestación “Na defensa do Monte Veciñal” e a prol da “Titularidade da Veciñanza Comuneira”. A Organización Galega de Comunidades de Montes Veciñais, co apoio da Asociación pola Defensa da Ría de Pontevedra, ADEGA, FRUGA, CIG, SLG e ATRIFOGA convocaron esta mobilización “Por un Plano Forestal” e “Para un Medio Rural Vivo”.
Alí estivo tamén presente o Monte Pituco (Pornedo) que, despois de oito anos de loita contra o proxecto de construcción dun polígono industrial auspiciado polo Concello de Marín e pola Xunta, conseguiu demostrar que as causas xustas logran sobrepoñerse aos intereses políticos e especulativos. O Tribunal Superior de Xustiza de Galicia protexeu o Monte Pituco dos depredadores que pretendían arrebatarnos os seus valores naturais, culturais e paisaxísticos.
Por iso, o lema da nosa camiseta tivemos que actualizalo con rotulador: sobre “Defende o Monte Pituco (Pornedo) re-escribimos con moito orgullo SALVAMOS O MONTE PITUCO (PORNEDO).
DEFENDE O MONTE PITUCO (Pornedo) 
Deixar unha resposta