DEFENDE O MONTE PITUCO (Pornedo)

Chuvia no mes de agosto non é chuvia que é mel e mosto

Como se dun milagre se tratara, a chuvia foi noticia. No Monte Pituco. En todas partes. Nuns lugares polo pouco que cundiu… e noutros pola tromba de auga que anegou estradas e arruinou colleitas. Só choveu 66 días en todo o que vai de ano, cando a media está en 93. 

Com este panorama de seca pertinaz, ollamos con preocupación os mananciais e os regatos, as colleitas e o abastecemento de milleiros de fogares. E dende o ‘balcón da ría’ apelamos á veciñanza para que faga un consumo máis responsable ca nunca deste recurso esencial.

E se chove deixa que chova
e se orballa deixa orballar,
eu ben sei dun abriguiño
onde me ei de ir abrigar