A Irmandade Illa de Tambo programou unha serie de actos que, ao abeiro da liña de axudas creada pola Deputación de Pontevedra no marco do Ano Castelao, se van celebrar este sábado no propio enclave da ría, co lema “A Illa de Tambo, Historia e Futuro”.
Co obxectivo de expoñer as súas propostas para poñer en valor este territorio, a Irmandade mantivo xuntanzas con representantes dos concellos de Marín, Poio, Pontevedra, da Deputación e da Delegación de Defensa. Así, vanse celebrar cinco xornadas que inclúen conferencias e visitas guiadas a Tambo, previa inscrición. Os participantes poderán coñecer os valores patrimoniais, naturais e paisaxísticos da illa e, posteriormente, poñer en común as súas conclusións nunha mesa redonda na que se debatirán os posibles usos que poida ter Tambo.
Na sesión do 1 de outubro, as actividades dividiranse en dúas quendas: de 10:30 horas a 13:30 horas, e de 16:30 horas a 19:30 horas.
DEFENDE O MONTE PITUCO (Pornedo) 
Deixar unha resposta