Publicado por: MontePituco | 04/08/2016

PROPOSTAS DE MELLORAS NO PITUCO PARA A COMUNIDADE DE MONTES (5/12)

Unha das propostas dirixidas dende a Asociación MONTE PITUCO á Comunidade de Montes de San Xulián consiste na instalación de paneis informativos en puntos estratéxicos da parroquia e do casco urbán de Marín para sinalarlles aos condutores e ao público en xeral que dirección deben tomar para chegar ao acceso do Espazo Natural e Arqueolóxico dos Sete Camiños situado na pista forestal do Monte Pituco.

Dúas posibles ubicacións para eses sinais poderían ser a Avenida de Ourense no cruce coa rúa República Arxentina para chegar ao Pituco cruzando A Laxe; e moi especialmente, no cruce da estrada de San Xulián coa pista que conduce ao Lago de Castiñeiras, a carón da Casa de Montes de San Xulián.

Cruce da Avda. de Ourense coa rúa República Arxentina

Cruce da estrada de San Xulián coa pista que sube ao Lago de Castiñeiras

De pouco serve que a Comunidade de Montes de San Xulián -como unha das entidades promotoras- se teña sumado ao esforzo de limpar os xacementos situados no seu ámbito territorial, de instalarlles paneis informativos, de participar na publicación duns folletos explicativos e na financiación dunha páxina web se, na práctica, o Espazo Natural e Arqueolóxico dos Sete Camiños non se promociona adecuadamente. E para que a xente o visite hai que darlle facilidades para chegar ata el.

Do mesmo xeito que hai numerosos carteis con flechas marcando a ruta ao castro da Subidá ou aos petroglifos de Mogor, o Espazo Natural e Arqueolóxico dos Sete Camiños é outro recurso de enorme interese cultural, turístico e educativo que merece estar á mesma altura a nivel divulgativo.

A Comunidade de Montes de San Xulián, como parte interesada na posta en marcha desta iniciativa pola presenza dos gravados rupestres de Pornedo, Sete Camiños, Pinal de Caeiro e do miradoiro do Pornedo, debería ser máis activa na difusión destes bens e do entorno no que se inscriben.

Sería oportuno que a Comunidade de Montes emprazara o Concello de Marín -a través das concellerías de Cultura e de Turismo- ou a Deputación de Pontevedra -no marco das competencias que lle correspondan- a implicarse e a colaborar no seu coñecemento por parte da poboación e dos visitantes que recibe a vila, incluíndo o Espazo Sete Camiños no programa de roteiros culturais, de visitas guiadas, na información dos folletos turísticos, nas páxinas web municipal e de Turismo Rías Baixas… empezando por autorizar a instalación dunha sinxela sinaléctica en rúas ou estradas dende as que se poida chegar doadamente ata a entrada ao Espazo dende o Monte Pituco. 

De momento, é outra asignatura pendente.

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: