“Tan cerca da casa, tan descoñecido”
Media ducia de palabras bastan para reflectir unha realidade: o Monte Pituco (Pornedo) está a un pasiño do centro de Marín e, sen embargo, moita xente vive de costas a el. Mírano aló no alto pero non toman a iniciativa de achegarse el para coñecer que lles ofrece: natureza, paisaxe, patrimonio, cultura, biodiversidade… Quen se decide acaba descubrindo todo isto e moito máis.
Pilar Pazos vén sumarse á prometedora e crecente lista de ‘amig@s do balcón da ría’. Algún resorte -a curiosidade, o afán aventureiro por ampliar horizontes no propio concello e as ganas de estrear os novos bastóns de sendeirismo- a activou para decidirse esta semana a vestir unha roupa cómoda, poñer un calzado axeitado e subir ata o Monte Pituco en boa compañía.
…Resultado? As súas caras de ledicia no miradoiro evidencian que foi unha experiencia moi grata. Agardamos que repitan a andaina e, sobre todo, que a recomenden. Agora, para eles, o Pituco deixa de ser ese ‘veciño descoñecido’ para formar parte do seu mapa de sensacións e coñecementos.
Ogallá moita máis xente se anime a seguir o seu exemplo.
Moitas grazas!
[Xa no monte de Salcedo, continuando pola Ruta do Espazo Natural e Arqueolóxico dos Sete Camiños: a Fonte da Prata]
[No miradoiro do Pornedo (Monte Pituco]
[Fotos de Pilar Pazos]
DEFENDE O MONTE PITUCO (Pornedo) 
Deixar unha resposta