DEFENDE O MONTE PITUCO (Pornedo)

Interesados en coñecer o patrimonio e os lugares de interese do Concello de Marín para ser os primeiros en recomendar, divulgar e promocionar entre os clientes dos seus negocios e os visitantes que se acheguen aos seus establecementos, a Asociación de Comerciantes de Marín Sur -ACEMAS- van visitar este domingo o Monte Pornedo e o Espazo Natural e Arqueolóxico dos Sete Camiños. A Agrupación Cultural Ronsel, de Seixo, sumarase á andaina, que está aberta ao público en xeral.

Será o domingo 4 de outubro, con saída ás 17:00 horas dende a arboreda do Monte Pituco, a carón do cruce do cruce do Regueiriño e da saída da Variante de Marín en sentido Figueirido. En caso de chuvia, aprazaríase ata novo aviso.