Este 8 de maio de 2015 vai quedar marcado no calendario como un DÍA HISTÓRICO no Monte Pituco (Pornedo). Despois de tanto esforzo e traballo colectivo, e co apoio dos colectivos que se adheriron ao proxecto de creación do Espazo Natural e Arqueolóxico dos Sete Camiños, por fin puidemos ser testemuñas excepcionais e privilexiadas da instalación do panel explicativo correspondente ao conxunto rupestre do Pornedo, no marco da sinalización e posta en valor do Espazo Natural e Arqueolóxico dos Sete Camiños.
Co outeiro desbrozado, as árbores de maior porte podadas das pólas máis baixas que dificultaban a contemplación dos gravados, e con este aspecto renovado, a instalación do panel informativo é a guinda perfecta.
…Non hai palabras. É a materialización dun soño…
Noraboa, veciñ@s! Que merecido o tiñamos! Moitas GRAZAS!
DEFENDE O MONTE PITUCO (Pornedo) 
Deixar unha resposta