DEFENDE O MONTE PITUCO (Pornedo)

Dende esta pasado martes, o outeiriño no que se atopa o conxunto rupestre do Pornedo luce un aspecto renovado tralos traballos de desbroce e limpeza que se levaron a cabo no marco das accións de posta en valor e sinalización dos elementos que conforman o Espazo Natural e Arqueolóxico dos Sete Camiños.

O próximo paso será a instalación dun panel informativo nas inmediacións destes fantásticos gravados rupestres.

Moi preto deste xacemento da Idade do Bronce atópanse tamén gravados modernos realizados polo marinense José Meijón. E xa ao final do sendeiro, como broche de ouro do roteiro, o miradoiro natural do Pornedo. Ambos puntos xa contan, dende hai uns días, con postes sinalizadores para guiar as persoas interesadas en percorrer o Espazo, que será inaugurado en próximas datas.