Continúan os traballos de sinalización e posta en valor dos elementos que conforman o Espazo Natural e Arqueolóxico dos Sete Camiños. Os petroglifos de Sete Camiños, precisamente, veñen de estrear tamén o seu correspondente panel informativo, no que se dá conta das características destes gravados rupestres.
O texto que acompaña o calco e a fotografía do xacemento especula coa posibilidade de que as figuras representadas sexan cérvidos femia. Tamén chama a atención sobre a forma serpentiforme dun dos gravados, o que lle dá “un aspecto onírico a todo o conxunto”. Ollo ao ramalazo literario!
A descrición tamén fai referencia á presenza cun círculo con cazoleta central, que é o motivo que se ve na imaxe que segue.
DEFENDE O MONTE PITUCO (Pornedo) 
Deixar unha resposta