Publicado por: MontePituco | 20/08/2013

CURSO SOBRE A EXPLOTACIÓN MULTIFUNCIONAL DO MONTE

Curso sobre "A explotación multifuncional do monte", en Gondomar.

O lecer, a paisaxe, a conservación da biodiversidade, o equilibrio climático, a obtención de materias primas, a explotación enerxética (eólica, fotovoltaica, biomasa…), a explotación forestal e gandeira, a explotación de mananciais… son algúns dos factores que poñen de plena actualidade e sitúan os montes como unha fonte de recursos a explotar nun futuro moi próximo para o que se fan imprescindibles. (Fragmento da introdución ao programa do curso)

Por terceiro ano, a Universidad Internacional Ménendez Pelayo (UIMP), en colaboración co Instituto de Estudos Miñoranos, organiza un curso de verán en Gondomar. Nesta ocasión o tema das sesións céntrase na sustentabilidade, a xestión e a multiplicidade de funcións dos nosos montes.

“A explotación multifuncional do monte” está dirixido a comuneiros, propietarios, técnicos, profesionais, estudantes ou público en xeral, ante o desafío que se lle presenta á sociedade actual e aos cidadáns do futuro. Os ponentes farán por achegarlle aos asistentes unha visión global das diversas facetas que integran a xestión do monte, a súa evolución histórica, as diversas posibilidades produtivas así como as actuais liñas de investigación na materia.

O curso realizarase os días 3, 4 e 5 de outubro na Aula de Cultura Ponte de Rosas (Avda. da Feira 10, baixo, sede do Instituto de Estudos Miñoranos), en Gondomar.

* Inscricións:

Para inscribirse é necesario achegar un escrito ao correo electrónico oficina@minhor.org, indicando: nome e apelidos, DNI, enderezo, código postal, teléfono e estudos ou profesión.

O custe da matrícula é de 61,50 euros para as persoas que o fagan a través do Instituto de Estudos Miñoranos (este prezo equivale a un 50% do valor real da matrícula do curso, estipulada en 163 euros). Posteriormente achegarase, por e-mail, o número de conta onde as persoas interesadas deben ingresar o importe. Información no teléfono 986360575, de luns a venres de 18 a 22 horas ou no correo oficina@minhor.org

* Bolsas:

Tanto a Deputación de Pontevedra como a UIMP dispoñen dunha liña de bolsas para matrícula gratuíta ou redución da mesma. Estas axudas deben xestionarse ante estas institucións. Os prazos de solicitude das bolsas xa están abertos.

* Créditos:

O curso está recoñecido cun crédito pola USC e a UVigo e dous pola U. da Coruña. Tendo tamén recoñecemento en diversos procesos de selección.

PROGRAMA (premer na ligazón para consultar o PDF)

Xoves, 3 de outubro de 2013

17.00h – 17.15h. Recollida de material

17.15h – 18.45h. Conferencia inaugural: “A posesión do monte ao longo da historia”, de Ofelia Rei Castelao (Profesora da USC).

18.45h – 20.00h. Conferencia: “A xestión dos montes veciñais na Galicia contemporánea: ¿quen e para que?”, de Xesús Balboa (Profesor da USC, Facultade de Xeografía e Historia, Departamento de Historia Contemporánea e de América).

20.00h – 21.30h. Conferencia coloquio: “Reorientación da silvicultura do piñeiro do país á produción conxunta de madeira e bioenerxía”, de Roque Rodríguez Soalleiro (Profesor da USC, Catedrático de Universidade, Departamento de Produción Vexetal, Escola Politécnica Superior de Lugo).

Venres, 4 de outubro de 2013

17.00h – 18.30h. Conferencia coloquio: “Investigación forestal: novas perspectivas”, de Gabriel Toval Hernández (Centro de Investigación Forestal de Lourizán)

18.30h – 20.00h. Conferencia coloquio: “A certificación da xestión forestal sostible”, de Alberto Rojo Alboreca (Dr. Enxeñeiro de Montes, Secretario do Departamento de Enxeñaría Agroforestal Coordinador da Unidade de Xestión Forestal Sostible (UXFS) Escola Politécnica Superior de Lugo, Profesor da USC)

20.15h – 22.15h. Visita guiada ao monte da MVMC de Couso. Un modelo de aproveitamento multifuncional. Monitor guía: Xilberte Manso de la Torre e Xosé Ramón García (Instituto de Estudos Miñoranos).

Sábado, 5 de outubro de 2013

9.00h – 10.30h. Experiencia: “Economía e sustentabilidade no rural galego. Algunhas experiencias innovadoras”, de Xavier Simón (Profesor da UVIGO)

10.30h – 11.30h. Conferencia coloquio: “Produtos e industrias forestais. Novos usos do eucalipto como madeira sólida de elevado valor”, de Manuel Touza Vázquez (Dr. Enxeñeiro de Montes. Xefe Área Innovación e Tecnoloxía Centro de Innovación e Servizos Tecnolóxicos da Madeira (CIS-Madeira).

11.30h – 12.00h. Descanso – café

12.00h – 13.30h. Mesa redonda: “A ordenación dos montes: cara a un modelo integral de explotación”, con Alberto Rojo, Xabier Simón, Manuel Touza, Xosé Alfredo Pereira. Moderador: Igor Ferro Fernández

13.30h. Clausura e entrega de diplomas.



Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: