Publicado por: MontePituco | 16/07/2013

O MONTE PITUCO NA GUÍA TURÍSTICA DO DIARIO DE PONTEVEDRA

"Pontevedra Guía Turística 2013" do Diario de Pontevedra (páxs 60-61).

Hai uns días o Diario de Pontevedra distribuiu unha Guía Turística 2013 con información de todos os concellos da provincia. Nas tres páxinas adicadas a Marín chama moitísimo a atención unha serie de instantáneas con información telegráfica: festas de interese, gastronomía, praias… Un deses apartados destacados trata sobre “Lugares con encanto” entre os que cita o Lago de Castiñeiras, Monte Castelo… e o Monte Pituco!

O titular sería algo así:

“Unha guía turística inclúe o Monte Pituco entre os lugares de interese do Concello de Marín”

Resulta, por tanto, inexplicable, incongruente, ilóxico, paradóxico, surrealista, estrambótico e grotesco (por poñer uns cantos calificativos) que o Concello de Marín teña catalogado como chan industrial un espazo natural que se gaba de incluir nunha publicación á que teñen acceso milleiros de persoas, en plena tempada turística, recomendando a súa visita.

"Pontevedra Guía Turística 2013" do Diario de Pontevedra (páxs 60-61).

En DEFENDE O MONTE PITUCO estamos encantados con semellante promoción, enormemente satisfeitos de que quede constancia publicamente de que o Monte Pituco é un enclave digno de ser visto e admirado. Que mellor argumento para cuestionar a propia política municipal e mesmo autonómica, que ten condenado o Monte Pituco a converterse no día de mañá nun páramo de cemento, asfalto e naves de formigón.

O texto cita expresamente que “os nosos montes ofrécennos diferentes vistas sobre a ría” e recomenda aos visitantes dar “unha volta polos xacementos arqueolóxicos”. Por riba, nun apartado titulado “Atractivos”, esta guía refírese á Lagoa de Castiñeiras como “unha das paisaxes con máis beleza do municipio, enmarcada nunha zona natural protexida.

Verdadeiramente o Concello recoñece nesta publicación o que DEFENDE O MONTE PITUCO vén proclamando: que o Monte Pituco é un Espazo Natural Protexido pola súa pertenza ao Montes do Morrazo, como consta nas Normas Subsidiarias e Provinciais de Planeamento; que a súa importancia dende o punto de vista paisaxístico é incuestionable, polo que a urbanización da zona causaría un impacto visual brutal e irreversible en toda a ría; que o polígono industrial previsto non respecta a área de cautela dos gravados rupestres -Pornedo I e II, Sete Camiños, Pinal de Caeiro- catalogados como Bens de Interese Cultural…

"Pontevedra Guía Turística 2013" do Diario de Pontevedra (páxs 60-61).

En resume: unha guía turística que moi probablemente contou coa supervisión do Concello de Marín, clasifica o Monte Pituco como un dos “lugares con encanto” do municipio. Ou mellor aínda, se os servizos municipais non tiveron nada que ver na redacción do texto, significa que un axente independente ten argumentos e criterios obxectivos para considerar que o Monte Pituco reúne as cualidades que o converten nun lugar con encanto.

Un “zas en toda a boca” para os políticos que, co seu voto, aprobaron semellante infamia no PXOM de Marín.

Dende DEFENDE O MONTE PITUCO e a comisión técnica para a creación do Espazo Natural e Arqueolóxico dos Sete Camiños seguiremos adiante co intenso traballo de promoción cultural e turística desta zona. Todos os colectivos profesionais e asociacións que visitan o Monte Pituco e os demais lugares que conforman esta ruta quedan marabillados pola súa riqueza e hai unanimidade en desaprobar e criticar a falta de sensibilidade do Concello e das entidades “interesadas” na destrucción do Pituco.

Advertisements

Responses

  1. […] “O Monte Pituco na guía turística do Diario de Pontevedra“. […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: