Publicado por: MontePituco | 11/07/2013

FOTODENUNCIAS: ANTES – DESPOIS

Paga a pena o tempo adicado a patear polo Monte Pituco, tomando nota do bo, do malo e do mellorable. Como tamén compensan as horas empregadas procesando toda esa información, difundindo os valores naturais e culturais deste espazo, reivindicando os argumentos incuestionables a prol da súa conservación e rexeitando a súa destrucción para instalar un polígono industrial, denunciando as agresións que sofre.

Pasaron cinco meses dende que na pista forestal do Monte Pituco foron depositados dous enormes sacos cheos de restos de obra e lixo da posible limpeza dalgunha finca. DEFENDE O MONTE PITUCO ten hoxe a satisfacción de anunciar que naquela longa lista de fotodenuncias vergoñentas xa se pode tachar ese grave verquido ilegal, que acaba de ser retirado xusto no momento no que a vexetación medrara tanto que xa estaba comezando “consolidarse”.

Pasaron 5 meses dende que apareceron os sacos cos restos de obra ata que por fin foron retirados.

Un dos males endémicos do Monte Pituco radica no ‘vicio’ de certa xente cómoda e sen cultura por vir tirar á pista forestal restos de obras menores que se deberían depositar nun punto limpo. Aproveitan que a pista está nun estado deficiente, co firme de terra moi irregular a causa dos torrentes de augas pluviais e do paso dos vehículos, e xustifican o depósito deses refugallos coa excusa de que contribúen a “achandar” o terreo. A súa acción é contraproducente, porque o que cómpre é reparar eses desniveis co material que corresponde, non con fragmentos de lousas, ladrillos, bloques, cemento e o que cadre que vaia polo medio: ferros, latas, botes de plástico, madeiras con puntas oxidadas… Acaba sendo un perigo para os vehículos que seguen pasando, para os que practican deporte ou sendeirismo, para o gando que transita pola zona.

Por riba, ao “consentir” este tipo de verquidos e non perseguir os infractores, cada vez era máis frecuente atopar montóns de escombro xa non só no medio da pista, senón nas canalizacións laterais polas que deberan discurrir as augas pluviais. En definitiva, un bucle de despropósitos.

Por iso tamén é unha boa noticia que un deses verquidos fora retirado, polo que agora cómpre outra medida inmediata para evitar que ese oco sexa cuberto indiscriminada e impunemente por máis residuos: acondicionar a superficie da pista foresal, compactar o terreo e acondicionar tamén as marxes da pista para favorecer que coas próximas chuvias non se volva deteriorar o firme.

Retirados tamén uns restos de obra ciscados na pista forestal do Monte Pituco.

A lista de fotodenuncias é longa; ogallá sexa posible ir riscando máis deficiencias que se subsanan. E para iso é fundamental a implicación dos comuneiros e da veciñanza no coidado do monte de tod@s.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: