Publicado por: MontePituco | 07/07/2013

BEN POR PROTECCIÓN CIVIL

Faro de Vigo, 7 de xullo de 2013.

[Faro de Vigo: “Protección Civil liberará de ´trancas´ a los caballos y denunciará a sus dueños“]

É unha gran noticia. Nas moitas ocasións nas que localizamos cabalos con pexas, cadeas e cordas atadas ás patas invadíanos unha enorme sensación de impotencia. Por máis que tomaramos imaxes dos animais, das marcas que tiñan no lombo -ás veces desfiguradas para dificultar a súa identificación- e dos instrumentos de tortura cos que cargaban; por máis que lle notificaramos ás asociacións de defensa dos dereitos dos animais e ao Seprona a súa presenza no monte; por máis que denunciaramos esta situación no blogue do Monte Pituco e nas redes sociais… non abondaba.

Os cabalos seguían o seu camiño, a pasos curtos e saltos precarios, abríndose paso entre as toxeiras ou atravesando perigosos desniveis.

Protección Civil de Marín fará posible o que os visitantes do monte non somos quen de facer, sen os medios materiais necesarios, sen os coñecementos ou a axuda precisa: liberalos desas pexas, cadeas e cordas para que poidan desprazarse con máis liberdade e seguridade. Noraboa a esta agrupación de voluntarios pola sensibilidade, un agradecemento que cómpre facer extensivo ás entidades -Concello e Policía Autonómica- que respaldan a iniciativa. Ogallá o seu traballo comece a dar resultados positivos moi pronto para que o seu exemplo se traslade a outras zonas da provincia e do resto de Galicia onde tamén persiste esta lacra.

Cómpre que siga habendo colaboración cidadá para que, sexa no Monte Pituco, en Cotorredondo ou onde se localicen casos deste tipo, se lle trasladen a Protección Civil para que actúe e se investigue a autoría destes delictos de maltrato animal.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: