Publicado por: MontePituco | 14/05/2013

EXPO DE CERÁMICA CASTREXA EN PONTEVEDRA (actualizada)

Exposición de cerámica castrexa, en Pontevedra.

Comunicado da Deputación de Pontevedra sobre esta mostra:

“CERÁMICA CASTREXA EN GALICIA: INVESTIGACIÓN E RECUPERACIÓN”, UN REFERENTE PARA ENTENDER AS ORIXES DA COMUNIDADE

• As cerámicas recreadas, ofrecen unha visión da realidade cotiá da Antigüidade galega e a cultura castrexa

A Deputación de Pontevedra xunto a Fundación Terra Termarum e o Concello de Cuntis, acolle ata o vindeiro 16 de xuño a exposición “Cerámica Castrexa en Galicia, investigación e recuperación”, no Sexto Edificio do Museo.

Trátase dun profundo traballo de investigación que ten por obxectivo mostrar os xacementos e os achados do castro de Castrolandín, a través da súa posta en valor, así como o estudo do material procedente das escavacións realizadas neste castro no marco dun obradoiro de réplicas arqueolóxicas cerámicas. A mostra conta con 68 pezas tanto de Castrolandín como doutros castros galegos como Meirás, Elviña, Baroña, Montealegre, A Lanzada, Illas Cíes, Vigo, Punta de Muíño do Vento, Toralla, Santa Tegra, Torroso, Fozara, Castromao, San Cibrán de Las, Tomeza, Coto de Mosteiro, Viladonga, Zoñán ou Illa de Xoances.

A exposición corresponde á Idade do Ferro en Galicia, e está estruturada en tres fases segundo cronoloxía (fase inicial do século VIII a.C ó V a.C; fase media do castrexo do IV ó II a.C; e fase de transición do I a.C ó I d. C). O proceso consistiu nunha documentación das pezas orixinais, debuxo arqueolóxico, documentación fotográfica, reconstrución virtual tendo en conta pezas coñecidas, e reconstrución da peza no taller da fundación por ceramistas e restauradores.

Na presentación estivo presente a deputada Ana Isabel Vázquez, quen puxo de manifesto a importancia do proxecto: “Trátase dunha mostra moi didáctica que amosa a evolución dos castros e que permite coñecer as nosas orixes aportando coñecementos das raíces galegas así como chegar a tódolos públicos que é fundamental, abrindo as portas ó turismo”; xunto co alcalde de Cuntis, Antonio Pena Abal, que describiu as cerámicas como “as mellores do mundo con gran deseño e calidade”.

A exposición compleméntase a través dun ciclo de conferencias que pretenden abrir novos horizontes de investigación:

22 de maio: “Volvendo ó pasado de Cuntis para cambiar o presente. Trece anos da Fundación Terra Termarum Castrolandín” a cargo de Carlos Otero Vilariño, (Arqueólogo do Instituto de Ciencias do Patrimonio (CISC)

29 de maio: “A cerámica castrexa en Galicia: un proxecto de investigación e recuperación” impartida pola comisaria da actividade, Mar Cortegoso Comesaña.

5 de xuño: “Patas, potes e castros: modelando unha imaxe renovada da Idade de ferro” por Xurxo Ayán Vila, arqueólogo do Instituto de Estudos Galegos Padre Sarmiento, especialista na Idade de Ferro.

A través de iniciativas como esta, a Deputación de Pontevedra amosa o seu compromiso coa cultura e historia galega como ven facendo con proxectos de posta en valor doutros xacementos en toda a provincia, como a Ruta dos recursos galaico-romanos, Monte Castro, ou os Petroglifos de Campo Lameiro.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: