Publicado por: MontePituco | 19/12/2012

SATISFACCIÓN DA PLATAFORMA MONTES DO MORRAZO

Afección ao nacementos de ríos e xacementos arqueolóxicos.

Comunicado da Plataforma en Defensa dos Montes do Morrazo sobre o Pleno da Corporación de Marín no que foi aprobada a moción contra o proxecto de instalación dun parque eólico en Pedras Negras.

No Pleno aprobouse a moción presentada pola Plataforma en Defensa dos Montes do Morrazo solicitando da Corporación Municipal un posicionamento contrario ao proxecto de parque eólico presentado por Enel Green Power España, e actualmente en fase de exposición pública. Solicitabamos, ademais, que se fixera chegar esta decisión á Xunta de Galicia para que definitivamente este proxecto non se leve adiante.

Esta moción foi presentada con carácter de urxencia -polo tanto non figuraba na orde do día- polo grupo municipal de Mar-In. Despois do debate a moción contou cos votos a favor de Mar-In, BNG e PSOE, e a abstención do PP.

Consideramos positivo este acordo que se ven sumar ao rexeitamento feito público en días pasados polas Comunidades de Montes do Morrazo e do Concello de Moaña, onde hoxe se reuniu a Comisión de Urbanismo cunha representación dos colectivos opositores ao parque eólico para solicitar un Pleno extraordinario que solicite a retirada do proxecto e do plano sectorial e reserva eólica do Morrazo.

Podemos considerar que a oposición ao parque eólico é unánime entre os concellos, asociación e colectivos do Morrazo, e polo tanto reiteramos a nosa demanda á Xunta de Galiza da retirada deste proxecto.

Queremos informar tamén da ÁREA DE RESERVA EÓLICA DO MORRAZO (ADE) que consta no proxecto presentado por Enel Green Power España, e que está incluida no Plan Sectorial Eólico de Galicia. Esta abrangue unha superficie en forma de triángulo de 4300 Ha., onde ademais dos 14 aeroxeradores previstos, estando planificadas como alternativas 18 máis, o que aumentaría a afectación ao concello de Bueu e a zonas tan importantes como Cotorrendondo.

A distribución das alternativas sería a seguinte:

*15 Aeroxeradores máis distribuídos polos altos da Encavada, Outeiro da Graña, Castiñeiras, Outeiro dos Asubións, Cotorredondo, Monte das Barreiras, Outeiro da Carballosa, Agudelo e Monte do Grilo que afectarían á práctica totalidade do Espazo Natural dos Montes do Morrazo.

*3 Aeroxeradores mais distribuídos polos altos de Outeiro da Paralaia e Chans de Ermelo.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: