Publicado por: MontePituco | 11/12/2012

MAÑÁ INAUGÚRASE A REFORMA DA ESTRADA DE SAN XULIÁN

A evolución nas obras de reforma da estrada de San Xulián.

Mañá mércores, 12 de decembro, a alcaldesa de Marín, María Ramallo, e o presidente da Deputación, Rafael Louzán, van inaugurar as obras de reforma da estrada de San Xulián, que experimentou un notable cambio, entre o cruce coa barriada de San Pedro e a subida á lagoa de Castiñeiras: construíronse beirarrúas a ambos lados do vial, coa dotación adicional de muros e barandillas nos puntos nos que había desnivel; melloráronse os servizos e aplicouse unha nova capa de asfalto, que se completou co pintado das marcas horizontais e a instalación de sinais verticais. O punto de encontro do acto -aberto ao público, segundo o Concello- é na Casa da Cultura de San Xulián ás 17:30 horas.

No momento de termos coñecemento desta convocatoria, DEFENDE O MONTE PITUCO contacta coa Asociación de Veciños de San Xulián e esta, á súa vez, coa familia de quen fora presidente do colectivo veciñal e un dos principais impulsores desta actuación: Xan Montenegro. Sorprendentemente, en ningún dos casos tiñan coñecemento desta inauguración.

Non é de recibo que o Concello de Marín non teña o detalle de facer partícipes deste acto os representantes veciñais e os achegados de Xan Montenegro, cos que mesmo houbo conversas para tratar de poñerlle o seu nome ao vial cando sexa transferido dende a Administración provincial á local. Alega a alcaldesa que o aviso da Deputación chegou ao Concello a media tarde de hoxe, e que a penas houbera tempo para notificarlle a celebración do acto aos voceiros municipais da oposición e á directiva da Comunidade de Montes de San Xulián para que lle cederan unha sala da Casa de Cultura.

A inauguración, en principio consistiría nunha presentación dos pormenores da obra e, se o tempo o permite, un percorrido a pé polas novas beirarrúas. Dende a Asociación de Veciños, loxicamente, responden que non se lle demanda ao Concello ningunha gran celebración, nin fastos, nin artificios, nin alardes económicos innecesarios. Pero agardan que, como mínimo, os responsables do Goberno local os teñan en conta no momento de inaugurar unha actuación na que o colectivo veciñal xogou un notable papel reivindicativo; un papel que foi decisivo na figura de Xan Montenegro, que adicou ata o último alento da súa vida na demanda desta obra, que por desgraza non puido ver convertida en realidade.

María Ramallo sinalou que a colaboración dos veciños e propietarios que cederon terreos para facer posible a construcción das beirarrúas, foi “exemplar”. Por iso, a poucas horas de que se celebre esa inauguración, a alcaldesa pretendía que ao longo da mañá se realice un buzoneo polas vivendas da zona convidando a veciñanza a asistir ao acto oficial na Casa da Cultura.

A evolución nas obras de reforma da estrada de San Xulián.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: