Publicado por: MontePituco | 17/06/2012

HOMENAXE A XAN MONTENEGRO: CHARLA DO DR. ARRUTI

É difícil valorar atinadamente se o tempo pasou rápido ou amodo pero, como quen non quere a cousa, xa vai xusto un ano dende o pasamento do noso amigo e veciño Xan Montenegro. É un día triste para a súa familia e para os seus compañeiros de ledicias e de fatigas; mais é tamén un día de fortaleza, porque a figura de Xan acompáñanos a cotío e segue inspirando o traballo de moita xente: é un referente de loita e valentía para Defende o Monte Pituco; un exemplo de solidariedade e compromiso para a veciñanza; como doente, a viva imaxe da vitalidade e da confianza nos seus médicos…

Cando lles chegue a “hora” aos seus detractores, que tanto escarnio público fixeron das súas denuncias de corrupción e ilegalidade -o tempo e a xustiza fóronlle dando a razón-, non poderán “presumir” no alén de tantas nin tan sinceras e merecidas homenaxes. Non haberá quen faga unha alfombra de flores na súa honra, como a que hai uns días lle adicaron os seus veciños pola procesión do Corpus en San Xulián, que ata os monaguillos non se atrevían a pisar por riba dela, do respectada que segue sendo a súa memoria…

Os actos de recoñecemento a Xan Montenegro, polo seu carisma humano, son un “suma e segue”. Con motivo deste sentido cabodano, unha comisión formada pola súa irmá Lucinda, e polos seus amigos Xosé Vilas, Concha González e Josefina Pidre, organizou para este VENRES 22 DE XUÑO, a partir das 20:30 HORAS, na BIBLIOTECA PÚBLICA DE MARÍN, unha CHARLA DO DOUTOR EMILIO ARRUTI PELETEIRO, co título “Doazón de órganos, un acto de solidariedade”.

Xan foi paciente do doutor Arregui e acompañábao nas conferencias que este impartía, como testemuño de que a xenerosidade dunhas persoas ao fin dos seus días, supón unha valiosa segunda oportunidade para que outras poidan seguir vivindo. Xan foi un deses afortunados que durante máis de dez anos puido seguir alentando, rindo, soñando, coñecendo mundo e aportando boas accións, experiencias e consellos á comunidade.

A Xan tivéralle gustado organizar persoalmente esta sesión pero non foi posible; os seus achegados fixeron realidade esta tarefa que deixou pendente. Ademais da conferencia do doutor Arruti, este acto de lembranza completarase con actuacións musicais e cunha montaxe de fotografías que repasarán a súa traxectoria vital, tan inxustamente breve e á vez tan intensa.


Responses

  1. Xan está vivo nos nosos corazóns

    • E tanto que si! Moitas grazas por visitar e por comentar. Saúdos.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: