Publicado por: MontePituco | 12/06/2012

E AÍNDA NON RETIRARON OS COLCHÓNS!

A finais do pasado mes atopamos tres colchóns tirados na beira da pista que conduce ao Pornedo. Dos pasos que se deron para notificarlle a incidencia ao Concello de Marín e solicitarlle a un dos responsables municipais a retirada destes materiais, xa se informou cumpridamente no artigo titulado “Colchóns tirados no Monte Pornedo“, o 29 de maio.

Pasaron dous días, un tempo abondo prudencial no que a brigada municipal ben puido terse desprazado ao Pornedo para cargar os colchóns nun vehículo e poñelos a disposición da empresa que se ocupa da recollida e tratamento de refugallos, pero alí seguían. E do mesmo xeito, tamén se deu conta dese retraso no compromiso adquirido dende a Concellería de Medio Rural, ou de Medio Ambiente, en caso de ter delegado unha na outra: “Os colchóns seguen no Pornedo“. 

Pero van aló 15 longos días. Como era de esperar, aos colchóns non lles saíron patas, nin ás, nin motor autopropulsado e, por tanto, seguen no mesmo lugar onde os chimpou algún veciño ou veciña que non entende o significado de palabras como civismo, educación ou decoro.

Coincidindo co pleno municipal do 8 de xuño volvéuselle reiterar a petición aos responsables das concellerías de Medio Rural e de Medio Ambiente, incidindo nunha circunstancia engadida que xustifica máis aínda a urxencia da actuación da brigada municipal: Cando hai dúas semanas se cursou o primeiro aviso, os colchóns eran perfectamente visibles a certa distancia do punto onde se atopan, dende o propio camiño.

…Debido ao tempo trancorrido, a maleza medrou e xa oculta en boa medida os refugallos. Sería inadmisible que, por deixadez, se acabe consolidando este verquido. Por iso, dende DEFENDE O MONTE PITUCO, ante o desleixo da Comunidade de Montes, que a estas alturas non debe ter nin idea deste feito tan lamentable, volve apelar novamente á sensibilidade do Concello, para que proceda -á maior brevidade posible- a recoller os colchóns, antes de que os devoren os fentos e as silvas, antes de que apodreza e se convirta nun foco de infección, e sobre todo, antes de que sirva de “reclamo” para que outros inimigos do monte vaian botar máis lixo e rematen por converter a pista nun vertedoiro ilegal.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: