Publicado por: MontePituco | 22/05/2012

22 DE MAIO, DÍA DA BIODIVERSIDADE

Nada pola web da Asociación pola Defensa Ecolóxica de Galicia, nada pola de Verdegaia, nada pola páxina da Federación Ecoloxista Galega, nin na de Amigos da Terra. Ningunha das principais organizacións ambientais do país celebrou, aínda que fora discretamente, o Día Mundial da Biodiversidade, este 22 de maio.

Mais aquí no Alto do Pornedo seguimos reivindicando a notable valía da fauna e da flora deste espazo, o mérito extraordinario da natureza ao facer deste balcón sobre a ría un lugar privilexiado para gozar do mar e da montaña a un tempo. Por iso cómpren todos os esforzos posibles e imposibles para poñer en valor o patrimonio natural do contorno, onde por riba temos a fortuna de contar con importantes vestixios da Prehistoria que desgrazadamente aínda non reciben a consideración que merecen: descoñecemento? ignorancia? desinterés interesado, máis ben.


No ámbito do Pornedo está un dos valores faunísticos máis importantes -se non o principal- de Marín: a saramaganta rabilonga, á que se unen varias especies de aves rapaces. Hai plantas endémicas. Miradoiros paisaxísticos nos que dá gusto estarricarse para ser un privilexiado espectador do abrente ou do solpór. Quen non teña un ápice de sensibilidade para aprecialo, padece un serio trastorno dos sentidos.

DEFENDE O MONTE PORNEDO!

Os apartados de FLORA e FAUNA aos que se accede no menú superior actualízanse periodicamente con novas achegas de plantas ou criaturas que habitan no Pornedo. A galería de imaxes está aberta á participación das persoas que frecuentan este monte nas súas andainas, cámara en ristre, e queiran enriquecer esta páxina coa súa amable contribución. Construamos entre tod@s un catálogo de biodiversidade. Tamén se agradece a opinión dos expertos en Bioloxía que desexen facer apuntamentos sobre as características destes seres vivos, ou puntualizar a información bibliográfica coa que se acompañan as imaxes. Grazas.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: