Publicado por: MontePituco | 07/12/2011

A TALA DE MADEIRA

O Pornedo loce un novo look, trala tala de madeira realizada a carón da área recreativa e da pista que se adentra no monte. Trátase dunha tira de terreo da que foron extraídos toros e toros de eucalipto, algúns de mellor calidade que outros. Boa parte dos tocos que quedaron corresponden a árbores de pouco porte e, por tanto, de non moito valor económico.

A tala tivo dous efectos positivos: non afectou a un grupo de piñeiros que quedaron na parte superior da pista, e que poderán seguir medrando sen o estorbo dos eucaliptos; en cambio, propiciou que foran retirados varios exemplares de acacia -árbore catalogada como especie invasora- que medraban á beira do sendeiro.

Na outra cara da moeda, dous efectos negativos: a tala de madeira deixou á vista as “miserias” que a maleza ocultaba aos ollos dos paseantes, por máis que neste mesmo blog se foron denunciando sistematicamente os verquidos de todo tipo que os desaprensivos tiraban por alí aproveitando a vexetación frondosa: neumáticos, plásticos, escombros…

O peor, sen dúbida, é o aspecto desaliñado do monte tralo paso das máquinas dos madeireiros, con enormes pegadas das rodas que deixaron o camiño nunhas precarias condicións de tránsito. E sobre todo, os restos de madeira, pólas e follaxe que quedaron ciscados no chan, mesturados coa lameira.

A Comunidade de Montes debera supervisar a realización destas talas e garantir que a zona queda nunhas condicións óptimas; hai trituradoras de restos de poda que permitirían eliminar boa parte deste material que, cando seque, converterase nun potencial risco de incendio. O Pornedo non pode quedar así; sería a maior demostración de desleixo por parte dos responsables de velar pola boa xestión e coidado do monte veciñal.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: