Publicado por: MontePituco | 18/05/2011

MIRA O QUE FAGO COA TÚA PAPELETA (BIS)

Non nos representa. Nin como alcalde, nin como marinense. Pasou máis dun ano facendo oídos xordos ás reiteradas peticións de entrevista que DEFENDE O MONTE PITUCO lle solicitou, moi correctamente. Fran Veiga demostrou gobernar só para quen non se lle rebota. Na súa axenda están vetados os colectivos e as persoas que critican a súa xestión e cos que non ten o valor de dialogar nin intercambiar puntos de vista, por moi contrapostos que sexan. O seu é o goberno do rodillo, da imposición e da mordaza. Por iso, a súa candidatura á reelección, cunha carta bochornosa que fala de “igualdade, solidariedade, transparencia, progresismo, sostibilidade e respecto”, é unha ofensa dun calado máis que considerable. Porque nada diso se pode arrogar Francisco Veiga nin boa parte dos concelleiros que repiten na lista que encabeza: manipuladores, falsos, soberbios.

As súas últimas palabras no derradeiro pleno desta lexislatura foron para agradecer o papel desempeñado polos concelleiros e concelleiras. É probable que os ocupantes dos bancos da oposición non poidan corresponderlle nos mesmos termos de gratitude, porque os servizos prestados por Francisco Veiga foron máis ben cativos. O edil popular Santos Costa pediu explicacións polo volume de gasto dos 58 teléfonos móbiles de titularidade municipal, algúns dos cales acumulan facturas mensuais de entre 400 e 1000 euros, ao que o alcalde contestou que se lle respostaría por escrito. No próximo pleno, quizais? agardando recuncar novamente no asento presidencial, bastón de mando en ristre?

Porque cando non emprega a tan socorrida fórmula da resposta por escrito, o seu outro recurso son evasivas como as que lle adicou á concelleira independente Isabel Martínez cando esta se queixou de que o BNG instalara pancartas electorais no Matadeiro e no Ecoparque, estando prohibido pola Xunta Electoral exhibir propaganda en instalacións municipais. Nesta ocasión, Fran Veiga escurriu o bulto asegurando gratuitamente que se estaba respectando a normativa e que, acaso, era Mar-In o que incurría en irregularidade ao pegar carteis en vallas de obra. Vallas de obra pública pero instaladas por empresas privadas, como lle retrucou a edil.

…No Ecoparque, no Matadoiro, e tamén na pista de tenis municipal a carón do pabellón de San Pedro. O BNG aproveita canta obra se pode atribuir o seu grupo municipal para, nesta campaña, marcala co seu ferro -como se dunha res se tratara- buscando o recoñecemento dos votantes máis incautos polo “mérito”. Demérito, neste caso, tendo en conta a sombra de irregularidade urbanística que planea sobre esa polémica instalación deportiva.

…E que vai dicir Fran Veiga, se o seu sorriso dentífrico se proxecta en formato cinemascope nunha valla publicitaria que, curiosamente, está fóra do termo noso municipal! Saíndo de Marín ou entrando, segundo o sentido de circulación, á altura de onde empeza/remata o scalextric de Placeres, a uns 400 metros do límite con Pontevedra.

Ras-ras! Tacha a súa papeleta. Non lles votes. Bótaos! 


Responses

  1. Fran Veiga? Non grazas
    Sempre pensei que a diferencia entre votar ao PSOE e votar pola dereita estaba en que a política socialista baséase nos direitos sociais, no apoio á participación dos veciños na vida política do concello, na liberdade de expresión, na transparencia, na claridade da información, na xustiza social, na vocación dos políticos pola loita a favor da democracia.
    Que equivocada estaba!
    Todas estas cousas foron traicioadas polo actual alcalde.

    Ante o meu asombro, a primeira decisión dos socialistas e nacionalistas marinenses en canto tomaron o poder foi aumentarse sustancialmente o soldo. Non contentos con iso aumentaron o número de concellarías con dedicación esclusiva.
    Pouco mais tarde o BNG, coa escusa de traballar en mellores condicións e atender mellor ós veciños, marchouse do concello a un piso alquilado na rúa Méndez Núñez, encarecendo desproporcionadamente o gasto por un servizo que non se veu reflectido na calidade de vida dos veciños.
    Durante toda esta lexislatura tivemos que soportar un goberno con dous departamentos estancos. Os concelleiros nunca traballaron en equipo. Nacionalistas tiraban para un lado e socialistas para outro. Os do Bloque rozaron a ilegalidade en moitas ocasións e o alcalde, cabreado en privado, tragaba en público para manter o seu posto na alcaldía. Coma último exemplo temos a recepción dunha obra presuntamente ilegal na Porteliña, que foi firmada pola concelleira de medioambiente, suplantando as funcións do alcalde.
    Facturas móviles con cantidades astronómicas, privatización da finca pública de Cadro para beneficio privado. Privatización de parte do servizo de limpeza. Facturas sin pagar a pequenos acreedores dende hai mais de dous anos. Amiguismo nas contratacións. Pésima política mediambiental coa inclusión dun minipolígono industrial no Monte Pituco.

    Ante os veciños, a figura do alcalde amosouse coma a de unha marioneta que se deixa manexar por mans alleas, cumprindo sempre a vontade do Bloque e deixando que se fixeran cargo do goberno.
    Fran Veiga, lonxe de colaborar cos veciños para resolver problemas, pechou reiteradas veces as portas do concello para impedirlles a entrada nos plenos, negouse a aceptar a proposta dos Marinenses Independentes para crear un Regulamento de participación cidadán nos plenos.
    Fran Veiga foi un dos alcaldes de Galicia con mais queixas no Valedor do Pobo do ano 2010.
    Esta lexislatura caracterizouse pola crispación, o descontento, a mala fe, a pésima educación do equipo de goberno hacia os dous grupos da oposición e o desprecio total ós veciños.
    A transparencia brilou pola súa ausencia moitas veces, sábeno ben as familias de Pardavila Miñán afectadas plo plan Vigo Integra, a punto de quedar sin casa porque o concello en vez de expoñer o proxecto ó público, gardouno nun caixón.
    Incapaz de xestionar eficazmente con Xunta e Deputación, dedicouse a insultar públicamente e botarlle a culpa dos nosos males, porque os outros son de dereitas e nós somos de esquerdas, coma se non hubera ducias de concellos de esquerdas por toda Galicia que prosperan o doble que Marín, porque superon pedir e xestionar, e porque superon a tempo que porriba de todo están os veciños.

    Despois dunha lexislatura chea de despilfarros cos cartos do Plan Zapatero, escándalos de facturas e irregularidades na contratación de funcionarios denunciadas varias veces polos sindicatos, atopámonos con que Marín, por falta de interés e por incapacidade, nin siquera veu cumprida a promesa mais importante do PSOE nas eleccións anteriores: O PXOM.
    Por todo isto e por moito mais que non teño espacio de comentar:
    Fran Veiga?…Non grazas.
    Cando queira que goberne o Bloque votarei por eles directamente.

  2. …Ei, carballeira!

  3. […] MIRA O QUE FAGO COA TÚA PAPELETA (BIS) […]

  4. …This is SINERXIA!

    Grazas, BreaSeixo, por compartir.
    Saúdos e avante.

  5. […] do artigo titulado “Mira o que fago coa túa papeleta (bis)” do 18 de maio de […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: