Publicado por: MontePituco | 13/05/2011

CHARLA EN SANTOMÉ SOBRE O PARQUE EÓLICO

Comunicado da Plataforma en Defensa dos Montes do Morrazo:

Este domingo 15 de maio a Plataforma en Defensa dos Montes do Morrazo organiza unha charla informativa sobre o proxecto de parque eólico no Morrazo. Celebrarase na Casa da Cultura de Santomé, por ser esta unha das parroquias afectadas por esa instalación, xunto con San Adrián e Domaio (nos concellos de Vilaboa e de Moaña).

Para falar sobre a problemática contarase coa presenza de Damián Copena, experto da Universidade de Vigo en parques eólicos e nas súas repercusións, que xa ten colaborado con comunidades de montes afectadas noutras localidades galegas.

A instalación dos parques eólicos ten unha repercusión directa sobre o aproveitamento do monte, eliminando a posibilidade da explotación forestal. A instalación supón movementos de terras, apertura de pistas, a colocación de tendidos eléctricos; todo isto leva aparellada unha afectación, non só no parque eólico, senón tamén en todas estas instalacións.

Os veciños e veciñas de Santomé, e todas aquelas persoas interesadas en asistir, poderán saber de primeira man o que representa a instalación dun parque eólico, como son as ocupacións do terreo (expropiación, alugueiro, venda…), que actividades agrícolas e forestais se van ver afectadas. Tentarase responder a todas as dúbidas que xurdan.

Desde a Plataforma preténdese dar unha información que se está ocultando por parte da administración responsable, a Xunta, e pola empresa concesionaria. En ningún momento se fixo pública, agás no DOG no medio dun enorme decreto, a intención de instalar no Morrazo un parque eólico, nin en que zonas concretas, nin as dimensións do mesmo. Este escurantismo é a praxe xeral das administracións cando nos queren colar un proxecto nefasto e perxudicial para os pobos afectados.

Mentres, unha empresa multinacional italiana pretende levar unha gran cantidade de euros a conta das subvencións públicas e da explotación do monte e do aire que é público, a nós vainos quedar un monte estragado.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: