Publicado por: MontePituco | 03/05/2011

EN DEFENSA DOS MONTES DO MORRAZO: CAMPAÑA INFORMATIVA

A Plataforma en Defensa dos Montes do Morrazo vai organizar en datas vindeiras unha campaña informativa sobre os efectos do proxecto de parque eólico previsto no lugar de Pedras Negras. Editaranse folletos explicativos que se van repartir en Vilaboa, Moaña, Cangas, Bueu e Marín. Nas zonas máis directamente afectadas pola instalación dos muiños -Santomé, San Adrián e Domaio- tamén está previsto organizar charlas informativas orientadas aos comuneiros e veciños.

Segundo informacións ás que tivo acceso a Plataforma en Defensa dos Montes do Morrazo, nos montes xestionados por esas comunidades está previsto que se instalen ata 25 aeroxeneradores: 10 en Domaio, 10 en San Adrián e 5 en Santomé. Os muíños eólicos poden chegar a ter unha altura duns 120 metros, co cal a súa colocación provocaría un impacto visual e paisaxístico enorme.

A continuación repasamos as orixes desta nova ameaza contra a conservación dos Montes do Morrazo, e unha relación das consecuencias que acarrearía a materialización deste lesivo proxecto que, por moitos cartos que xerara, non compensaría en absoluto o destrozo e a agresión irreversible ao territorio, ao medio ambiente e á paisaxe.

A Xunta de Galiza autorizou á instalación dun parque eólico de 42 MW no Morrazo, afectando aos concellos de Vilaboa, Moaña e Marín, na zona de Pedras Negras. A concesión é a unha multinacional italiana, Enel Green Power España.

A pesar de que a enerxía que produce o vento é un ben en si; outra realidade é a do impacto dos parques eólicos:

• Galiza produce máis electricidade da que consume, polo que gran parte é exportada ao estado español ou Portugal.

• A instalación de parques eólicos non vai supoñer unha redución nos recibos da luz que pagamos todos os meses, pola contra sobe cada vez máis. Galiza é a comunidade autónoma con maior potencia eólica instalada do estado español. Os actuais parques eólicos xa supuxeron a afección do 39% de espazos naturais protexidos e cos novos proxectos aumentaría a incidencia nestas zonas.

• A substitución dos aeroxeneradores existentes nos parques eólicos actuais por outros máis avanzados permitiría aumentar a potencia sen necesidade de construír outros parques novos.

• O parque eólico proxectado en Pedras Negras pretende instalarse nunhas zonas de alto interese paisaxístico, xeolóxico, natural e arqueolóxico, entre os altos do monte Faro e Coto do Home, serra de Domego e monte Formigoso, incluídas no espazo natural protexido dos Montes do Morrazo. Os arredor de 25 muíños, de mais de 100 metros de altura e 50 de pas, serían visíbeis a grandes distancias.

• A mentira dos postos de traballo: só se crean durante a instalacións dos muíños, despois a man de obra é mínima e o control dos parques faise, na maioría das veces, informaticamente desde fora de Galiza.

• A instalación dos parques eólicos ten un impacto sobre a fauna e sobre o territorio: movementos de terras, pistas, tendidos eléctricos, subestacións… E, ademais, na zona delimitada polo parque non hai posibilidade de aproveitamento forestal, afectando neste caso a áreas de monte mancomunado das parroquias de Domaio, San Adrián de Cobres e Santomé de Piñeiro.

• O parque eólico de Pedras Negras estaría perto das áreas de lecer e mámoas de Chan de Arquiña e de Chan de Armada, supoñendo un severo impacto social, cultural e medioambiental para esas zonas. Asimesmo, obstacularizaría a práctica de deportes como a bici de montaña, con roteiros sinalizados existentes, e o parapente, que a presenza dos muíños impediría o voo. No Morrazo existe a maior asociación de parapente de Galiza, actividade que atrae a moit@s aficionad@s.

• Estaría entre varias antenas repetidoras de telecomunicacións, supoñendo unha suma das radiacións electromagnéticas xa existentes.

• Este proxecto viría sumarse a outros tres de parques industriais dentro e nos arredores do mesmo espazo natural, no monte Pornedo, na Cruz da Maceira e na Pastoriza, con arredor de 2 millóns de metros cadrados de solo rústico protexido afectado.

En conclusión, os colectivos integrados na Plataforma en Defensa dos Montes do Morrazo, entre os que figura DEFENDE O MONTE PITUCO (PORNEDO), rexeitan a instalación dun parque eólico no lugar de Pedras Negras e demandan un plan de protección integral dos montes da bisbarra.

Outros artigos deste blogue sobre o proxecto de parque eólico no Morrazo:

O BLOG ‘DEFENDE O MORRAZO’

EN DEFENSA DOS MONTES DO MORRAZO

MOBILIZACIÓN CONTRA O PARQUE EÓLICO NO MORRAZO

CHARLA SOBRE O POSIBLE PARQUE EÓLICO NO MORRAZO

POLA PROTECCIÓN DOS MONTES DO MORRAZO

E AGORA, MUIÑOS EÓLICOS

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: