Publicado por: MontePituco | 02/05/2011

MAR-IN E O CHAN INDUSTRIAL

A dotación de chan industrial en Marín é unha aposta irrenunciable que todos os partidos políticos inclúen nos seus programas electorais. Non lles valen argumentos coma a recesión económica actual ou a abundancia de espazo dispoñible nos polígonos xa existentes para reconsiderar unha decisión que -en Marín, coma en practicamente calquera concello- pasa pola destrucción dun espazo natural, pola afección á paisaxe e ao patrimonio. Pero o poder económico, o político -movido polos intereses dos anteriores- e o electorado marinense parecen non concebir Marín sen un parque empresarial. Onde?

Entre os partidos con opción de formar parte da Corporación Municipal nas vindeiras eleccións, o único que aboga pola protección e conservación do Monte Pituco (Pornedo), da súa riqueza forestal, dos seus recursos arqueolóxicos e da calidade de vida dos seus veciños -que, en definitiva, reporta tamén calidade de vida para o conxunto da cidadanía- é Marinenses Independentes. O equipo formado por Isabel Martínez Epifanio e Miguel Briones protagonizou algún dos momentos máis brillantes nesta complicada lexislatura: deron leccións de coherencia, presentaron propostas solidamente argumentadas, e “tourearon” -no sentido metafórico da palabra- o grupo de goberno poñendo de manifesto a súa febleza, a súa falta de cohesión e as súas incongruencias.

Desexámoslle a Mar-In un resultado que permita incrementar a súa representación. E abogamos por un debate serio, aberto non só ao ámbito político senón tamén social, que poña sobre a mesa as razóns que xustifican esa ansia reiterada no tempo por poñer un polígono en cada recuncho. Recén constituida a Plataforma en Defensa dos Montes do Morrazo, percíbese unha maior vontade por preservar o máis posible os espazos protexidos da bisbarra da ameaza que supoñen o formigón e, agora tamén, as aspas dos muíños eólicos. É o momento de unirse para que O Morrazo non se convirta nunha escombreira máis das moitas que acribillan este país.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: