Publicado por: MontePituco | 14/04/2011

UN VERQUIDO MENOS

Entre esta imaxe…

E esta outra…

…hai dous meses de diferenza. A primeira foi tomada o pasado mes de febreiro. A segunda é de hai escasos días, na primeira semana de abril. Dende ángulos diferentes, estamos a carón do túnel a través do cal se accede, dende O Caeiro, ao Monte Pituco.

Uralitas, restos de obra, cascallos, azulexos, plásticos, latas, enseres diversos… de todo había neste verquido incontrolado que se foi formando hai xa algún tempo pola acción mesquiña dos desaprensivos, dos maleducados e dos cómodos que optaban por desfacerse así da trapallada que lles sobraba en vez de depositala nun punto limpo ou de dar aviso aos servizos de limpeza municipais. Afortunadamente, este verquido foi xa eliminado e haberá que facer un esforzo para que non se volva botar nada nel. Falta facía aí que a Comunidade de Montes puxera un sinal prohibindo verquer residuos. Como o que tamén é necesario instalar no Alto do Pornedo para restrinxir a zona á circulación de vehículos motorizados. Pero a directiva fai oídos xordos: o presidente está desaparecido en combate e, na súa “ausencia”, o vicepresidente non quere saber nada do tema e só goberna no que lle interesa (ou convén). É como falar coas paredes. Ata as pedras do monte serían máis receptivas.

Dentro do desgoberno reinante, polo menos, cómpre alegrarse porque haxa un espazo menos pendente de saneamento, nunha zona especialmente sensible, preto dos depósitos que abastecen de auga os veciños do lugar. Pero quedan outros puntos febles, afectados pola presenza de uralitas, restos de obra, cascallos, azulexos, plásticos, latas, enseres diversos… E tamén, máis pronto que tarde, acabarán sendo historia.

 


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: