Publicado por: MontePituco | 15/04/2011

VISITA AO ALTO DO PORNEDO

O Alto do Pornedo volve recibir este fin de semana máis visitantes. Normalmente desprázanse sobre rodas. Non, os seus vehículos non son de motor. Pertencen ao Clube Ciclista de Marín e nos próximos días non poden realizar as súas habituais ciclomarchas ao coincidir cos “días azuis” nos que a Dirección Xeral de Tráfico prohibe circular a grupos de máis de 50 persoas. Por iso van cambiar a bicicleta polas botas de montaña para achegarse ata o Alto do Pornedo facendo unha andaina dende o centro da vila. Será este Domingo de Ramos, con saída ás 09:30 horas na Praza de España. Total, unha subidiña de 5 quilómetros, de dificultade media-baixa, apta tanto para expertos sendeiristas como para camiñantes non tan adestrados. A recompensa? As vistas privilexiadas que, dende o miradoiro do Pornedo, se poden ver de toda a ría. A visita a este enclave natural rematará cun percorrido polos petroglifos que se atopan na zona: gravados rupestres catalogados que se pretenden poñer en valor coa creación do Espazo Sete Camiños, unha iniciativa que xa apoian unha vintena de colectivos. O arqueólogo e realizador Lukas Santiago guiaraos no seu achegamento ata estes vestixios do pasado.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: