Publicado por: MontePituco | 13/04/2011

NOVO CENTRO SOCIAL DE ALMUINHA

Pasaron cinco meses dende que a Asociación Cultural Almuinha pechara o centro social que tiña ubicado na rúa Ezequiel Massoni, no que tantas actividades se levaron a cabo. Pero Almuinha volve estar de noraboa e convídanos a todos e todas á inauguración, este venres a partir das 20:00 horas, do seu novo local, no número 46 da rúa Rosalía de Castro. Un espazo que está chamado a ser, de novo, un foco de difusión cultural, de pensamento alternativo, de intercambio intelectual, “un espazo libre de sectarismos onde poder xuntar esforzos”, tal e como se define dende a propia asociación.

…Charlas, proxeccións audiovisuais, exposicións, cursos e celebracións, entre petisco e petisco. Almuinha prepárase para reanudar a bo ritmo o seu programa de actividades. Pero nestes cinco meses o colectivo non fixou parado nin paralizado, senón que vén de presentarlles aos partidos que se presentan a estas eleccións municipais, unha batería de propostas que abarcan ata 10 ámbitos de traballo: lingua, economía e emprego, servizos públicos e sociais, cultura e medio ambiente, transportes e comunicacións, recuperación de espazos e democracia participativa.

O decálogo completo pódese consultar no blog de Almuinha. Neste artigo destacamos algunhas iniciativas, comezando pola petición que abre o manifesto:

“Consenso político en temas clave: exiximos que se remate cos comportamentos vergoñentos, mesquiños e infantís, que por desgraza abundan na política local, e se estabeleza un consenso en temas clave para a nosa vila entre as forzas políticas (auditorio, centro de saúde…). Cómpre definir unha Axenda Marín 2025”.

En materia cultural, Almuinha aboga polo desenvolvemento dunha serie de iniciativas a prol da recuperación do patrimonio histórico marinense:

Apoio ao proxecto de creación do Espazo Natural e Arqueolóxico dos Sete Camiños.

-Posta en valor da “Necrópole da Serra de Domaio”. Actuación integral, cos outros concellos (Vilaboa e Moaña) para facer un plan conxunto de todas as mámoas. Posta en valor a curto prazo da mámoa de Pedralonga.

-Posta en valor do Castro da Subidá.

No ámbito do medio ambiente, a asociación cultural é rotunda na súa defensa dos espazos naturais:

-Cumprimento da sentenza contra os recheos do porto de Marín.

-Recuperación da fachada litoral fronte á alameda.

REXEITAMENTO DO POLÍGONO INDUSTRIAL NO PORNEDO.

-Recuperación do río Lameiriña.

-Posta en valor do río Loira, recuperación das ribeiras e muíños e creación dun roteiro. Creación da marca “Ribeiras do Loira”.

-Defensa da praia de Aguete.

Tamén aposta polo desenvolvemento dunha auténtica democracia participativa, para paliar o déficit democrático que padecemos actualmente os veciños e veciñas para facernos oír, expoñer as nosas preocupacións e atopar no Concello unha vía de solucións, non de atrancos, boicot e censura, como vén acontecendo ata agora, e como DEFENDE O MONTE PITUCO vén denunciando pola negativa sistemática do alcalde a recibir a este colectivo:

-Establecemento dun regulamento municipal que facilite a participación popular e descentralización da vida administrativa.

-Creación dunha Comisión Popular do Orzamento Participativo.

Ogallá algunha destas iniciativas fora recollida polos representantes municipais que saian elixidos o próximo 22 de maio. Ogallá non volvan repetir os que actualmente nos des-representan.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: