Publicado por: MontePituco | 12/04/2011

BENS DE INTERESE CULTURAL

(“Protección para el arte rupestre“, artigo de Marcos Gago en La Voz de Galicia).

Estamos fartos de escoitar, mesmo por boca dalgúns conveciños, que “as pedras non dan de comer”, despreciando un potencial turístico que noutros concellos representa un motor económico nada desdeñable. E quen ousa referirse aos vestixios do paso dos nosos antergos por estes montes como “un cacho de rocha chea de musgo e cagadas de paxaros” está evidenciando a súa máis absoluta e incomensurable ignorancia. Oídos xordos para palabras necias, que mesmo deberían estar penadas legalmente, posto que representan unha ofensa á intelixencia e ao esforzo das Administracións que, cos impostos de todos, teñen a obriga de protexer uns bens de interese cultural de valor incalculable, únicos, irrepetibles e insustituibles.

Bastantes agresións -algunhas irreversibles- ten sufrido o noso patrimonio, por iso benvidas sexan todas as iniciativas, públicas ou privadas, a prol da súa protección e posta en valor. Porque só recuperando estes espazos se poderá favorecer que outros de fóra nolos veñan admirar. E só desa maneira, por desgraza, será posible que agrome unha sensibilidade social pola cultura rupestre que noutras rexións e países goza do respecto e da veneración que aquí brilla pola súa ausencia. Ata que nos veñen abrir os ollos os foráneos, avergoñándonos, levando as mans á cabeza escandalizados polas barbaridades que se cometen contra mámoas, petroglifos, menhires, pinturas e outros restos prehistóricos.

Por iso son necesarias iniciativas sociais como a dos promotores do Espazo Natural e Arqueolóxico dos Sete Camiños, que aboga pola protección e promoción dos gravados rupestres -xa catalogados- nunha ampla superficie dos concellos de Marín, Pontevedra e Vilaboa. A sociedade, á vangarda, ponse así na primeira liña de acción para que acaben sendo posibles boas novas coma as de días pasados: a declaración, como ben de interese cultural, da mámoa do Rei, da mámoa de Pedralonga e da lapa de Gargantáns. Hora era!

 

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: