O Colectivo Nacionalista, Redes Escarlata, Fronte Popular Galega e Adiante convócannos a unha charla-coloquio sobre a Lei de Augas, mañá mércores día 30 ás 20:00 horas na Biblioteca Pública de Marín.
Contaremos coa participación de Manuel Docampo, da executiva do Sindicato Labrego Galego, organización integrada na Plataforma Galega contra a Lei de Augas. Explicaranos os perxuízos que ocasiona esta lei -recentemente aprobada no Parlamento galego- a todas as persoas, como consumidores dun ben que é a auga, as repercusións do canon, e a posibilidade que se abre de privatizar todo o relacionado co subministro e mais co consumo de auga.
Pretendemos con este acto clarificar o que representa esta lei, sacando o debate da loita electoral e partidaria, tal e como se veu facendo en Marín por diversos partidos políticos. Convidamos a todas as persoas interesadas en clarexar as súas dúbidas sobre a lei, a que asistan a este acto e participen con preguntas e opinións.
DEFENDE O MONTE PITUCO (Pornedo) 
Deixar unha resposta