Publicado por: MontePituco | 11/03/2011

AAVV S.XULIAN: MOITO EMAS, PERO…

A AA.VV. de San Xulián “felicita” o Concello de Marín polo abandoado e deteriorado estado do alcantarillado no lugar da Pena e en varias zonas ao longo da estrada Marín- Figueirido. Resulta esperpéntico o aspecto lamentable que ofrece na zona do Balado en época de chuvia, pois neste lugar xa vai directamente ao río Lameiriña sen pasar pola depuradora de Praceres. Unha situación que se dá debido á sobrecarga da tubaxe que foi calculada para un determindo número de vivendas, e agora nela conflúen todas as augas fecais desta zona da parroquia que, xunto coa auga da chuvia que entra a cántaros, fai que a ponte do Balado se siga deteriorando e que o pequeno camiño se encha de verquidos fecais que, para a concelleira de Medio Ambiente, Pilar Blanco, non fai falla depurar.

Tamén é denunciable a actuación que se segue dando no mesmo cauce do río Lameiriña que, despois de catro anos, mantén a tubaxe e os pozos de rexistro ilegais no mesmo cauce fluvial. Estes dias o Concello, nos labores de limpeza das tubaxe en Promadalbo (Camiño da Fenteira) adicouse a desfacer o muro, sacando terróns e pedras dunha propiedade lindante e, aínda para máis neglixencia, o pozo de rexistro burbuxea, indicando un mal selado e, por suposto, libre entrada de auga no mesmo. Facéndolles muros a algúns veciños que derrumban e causan serios perxuízs aos lindantes de enfronte.

A AA.VV. San Xulián non se explica que, despois da riada de millón do Plan E, non se adicara un só euro a subsanar as deficiencias do alcantarillado, e a xenerar tramos alternativos que alivien os verquidos das casas e as augas da chuvia. Xa non nos vale a cantinela da desculpa de “PePé” ou “PaPá”. Convén lembrarlle á concelleira que ela e os demais membros do Goberno local foron elixidos para corrixir o que outros non fixeron ben, e darlle a solución oportuna. Ao final, nin unha cousa nin a outra, xa que nin tan sequera se procupan de reparar os tramos deteriorados que converten, ás veces, algún dos seus famosos lavadoiros (como o de Coirados) en auténticas cloacas.

Por que seguen tirando os cartos en estudos, informes e propaganda se non teñen ningunha efecividade practica? De que valen eses títulos EMAS se o lixo fecal flota polos camiños e polo río Lameiriña?

Desta e doutras situacións, como a do famoso alumeado que foron ver a Barcelona o concelleiro de Urbanismo, Xosé María Vilaboa, e Pilar Blanco, xunto coa queixa da chapuceira sinalizacion do contorno do colexio, deixamos constancia escrita para que as lean e lle dean solución. Algunhas destas luces situadas no Camiño Viñas Blancas-Carregal, forman parte dese grupo de 7 puntos de luz que Vilaboa nunca soubo explicar a onde foron parar ou quen nas comeu. Pois eses puntos, nese camiño e no adro da festa, son de segunda man. Queda claro que este concelleiro é un mentireiro ao negar -nunha emisora de radio e mais no Pleno da Corporación- a nosa advertencia da falta de luces contempladas no proxecto Carballal-Viñas Blancas.

 

* Comunicado da Asociación de Veciños de San Xulián.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: