Publicado por: MontePituco | 09/03/2011

CARTA DO IGVS SOBRE O CHAN INDUSTRIAL

“…En ninguna parte do documento se fai referencia a que a creación desta plataforma loxística estea prevista no Monte Pituco”.

Así, subraiado, é o como resume o director xeral do Instituto Galego de Vivenda e Solo, Antonio J. Boné, a carta coa que responde a un escrito previo enviado por DEFENDE O MONTE PITUCO sobre a dotación de chan industrial en Marín. Un proxecto que o IGVS entende que debe ir vencellado a complementar a actividade portuaria e que, neste momento, segundo este organismo autonómico, se atopa en fase de “realizar unha diagnose da situación actual do solo empresarial (coa actual oferta existente), así como unha análise da demanda, co obxectivo de determinar as necesidades reais”.

Esta contestación non nos quita de ningunha preocupación, posto que DEFENDE O MONTE PITUCO segue tan pendente como dende o principio dos movementos que faga o Concello de Marín e a Consellería de Medio Ambiente, Territorio e Infraestruturas. Os argumentos seguen tan vixentes e cada vez máis fortalecidos polo convencemento absoluto de que o Monte Pituco non reúne as condicións para instalar un polígono industrial ou plataforma loxística. Outra cousa é que as Administracións e os seus colectivos cómplices cometan unha barrabasada e chucen con calzador unha infraestrutura que arruine o espazo e perxudique aos vecinos próximos.

Hai poucos días tivemos a ocasión de conversar cunha persoa do ámbito da Administración autonómica, con competencias directas na xestión de chan industrial, e cun coñecemento moi próximo da situación do Monte Pituco e das súas circunstancias. A súa reflexión evidenciaba que a Xunta non pode asumir o desmantelamento dun espazo cunhas condicións xeotécnicas tan desfavorables, cunha pendente que obrigaría a realizar un movemento de terras desmesurado, que conlevaría un gasto que lle habería que repercutir ao valor do terreo, e que por tanto, faría inasumible -para os potenciais compradores- a adquisición das parcelas.

Tamén contemplaba a posibilidade dunha ubicación alternativa ao Monte Pituco, malia que o Concello de Marín se negou unilateralmente a estudar a súa viabilidade. Afirmou este cargo público que o PP de Marín é partidario de valorar detidamente esoutro emprazamento, cuxa única dificultade estribaría na necesidade de dotalo dos servizos básicos cos que contar un polígono industrial. Así as cousas, hai dúas formas de afrontar a realidade: arruinar o Monte Pituco e a fachada litoral de Marín cunha mole de formigón e taludes desproporcionados, levando por diante a riqueza forestal da zona e os seus mananciais, e afeando o patrimonio rupestre… Ou valorar outra opción que tecnicamente sexa máis asequible nunha área menos accidentada dende o punto de vista xeográfico, cun enfoque comarcal, tendo en conta os proxectos de urbanización, electrificación e saneamento.

O BNG e o PSOE de Marín estiveron e están a manipular a realidade, turrando cunha opción que resulta claramente perxudicial e que non está ao alcance económico da actual coxuntura. Enganan cando sosteñen que o Monte Pituco é a opción máis barata e quedan como auténticos burricáns cando insisten en que non hai en Marín ningún sitio máis chan, cando os propios veciños, pagando do seu peto un informe topográfico, descubriron que no 92% do terreo afectado se supera o 15% de desnivel. Panda de trapalleiros!


Responses

  1. […] polo director xeral do Instituto Galego de Vivenda e Solo, Antonio J. Boné, (artigo titulado “CARTA DO IGVS SOBRE O CHAN INDUSTRIAL“) e, sen que pareza que as súas palabras se poidan interpretar nun sentido diferente, afirma […]

  2. […] -CARTA DO IGVS SOBRE O CHAN INDUSTRIAL (9 de marzo de 2011) […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: