Publicado por: MontePituco | 22/12/2010

UN LIBRO POLO NADAL

Os nosos montes teñen un aquel que atrae. Unha forza magnética irresistible para quen aprecia a natureza e o aire puro, para quen ve nas pedras, nas árbores e na terra a expresión inequívoca da beleza, para quen sente que na historia e na cultura está o noso cerne, para quen se compromete no estudo, na recuperación e na difusión dun patrimonio inmaterial fundamental. Algo así, probablemente, foi o que empurrou a Rafael Quintía a afondar na esencia do Monte do Seixo. Ese traballo ve agora a luz nun libro titulado “Deuses, Mitos e Ritos do Monte do Seixo: unha proposta interpretativa en clave céltica”, editado por Serpe Bichoca.

Di o autor:

“…Deuses, Mitos e Ritos do Monte do Seixo é un modesto intento de interpretar e dotar dunha coherencia e cohesión todo o enxoval mítico, simbólico e relixioso que atesoura este monte, así como de encadralo nun contexto histórico-cultural concordante co substrato simbólico atopado nesta montaña, isto é, a cultura céltica do Atlántico europeo. Contémplase o libro, pois, como unha guía para coñece-lo significado que se agocha tras cada lenda e cada pedra do Monte do Seixo.

O libro é froito dos catro anos de investigación que, ó abeiro do Grupo de Estudos Etnográficos Serpe Bichoca, fun levando a cabo no Monte do Seixo. Con esta obra complétase a triloxía adicada a esta importante e descoñecida montaña sagrada da nosa xeografía galega (véxanse as obras: “Monte do Seixo.: reivindicación da Montaña Máxica” e “Monte do Seixo: o santuario perdido dos celtas”, do compañeiro Calros Solla) e dáse por finalizado o traballo que o G.E.E. Serpe Bichoca realizou no proxecto de investigación e divulgación da Montaña Máxica…”.

Ademais de máxica, o Seixo é unha montaña afortunada, por contar cun colectivo como Serpe Bichoca, traballando arreo pola súa dignificación e posta en valor a todos os niveis.

Ogallá un día non moi lonxano o Monte Pornedo ou o Espazo Natural e Arqueolóxico dos Sete Camiños poidan contar tamén con estudos deste fondo calado para que a veciñanza se sensibilice ante a necesidade de ollar para o monte non coma un lastre ou un cromo que se poida cambiar por diñeiro, senón coma unha fonte de inesgotable de oportunidades e de progreso para todas e todos.

Dende o Monte Pornedo, parabéns a Rafael Quintía e ao Grupo de Estudos Etnográficos Serpe Bichoca por esta contribución tan senlleira e meritoria coa cultura galega. Que o Apalpador leve moitos “Deuses, Mitos e Ritos do Monte do Seixo” aos fogares e bibliotecas do país.


Responses

  1. […] Véxase: https://montepituco.wordpress.com/2010/12/22/un-libro-polo-nadal/ […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: