Un día botámonos a escribir. Os que nacemos, crecemos e morreremos ao carón deste monte queriamos contar como é: as cores cambiantes coas estacións, as formas escarpadas… Como soa: a auga que escorrega ceibe , a vento que zoa entre as pedras, a campaíñas de gando silvestre e rechouchíos de paxaro… Como sente e fai sentir a quen o percorre: o gozo dunha paisaxe impagable, a harmonía da natureza, o peso da historia e da cultura ante o futuro.
Un futuro incerto, ameazado por un proxecto político errado que pretende arrasar toda esta riqueza ambiental para convertela nunha chaira de formigón inerte e impactantes taludes ao longo de centos de hectáreas, a cambio de promesas demagóxicas e irreais.
Dende o día en que nos botamos a escribir neste modesto blogue, sumamos xa 300 artigos: 300 razóns para seguir escribindo outros 300 artigos máis. 300 puntos de encontro coa veciñanza para informar e para pedir solidariedade co Monte Pituco (Pornedo).
GRAZAS por ler, por participar, por seguir, por difundir.
BO NADAL. FELIZ 2011, ANO INTERNACIONAL DOS BOSQUES.
Noraboa. Prosperidade e a por outros 300.
Bo Nadal.
By: librealbedrío on 23/12/2010
at 23:53
Moitas grazas pola visita e pola mensaxe.
Igualmente, Bo Nadal.
By: MontePituco on 24/12/2010
at 00:20
Eles son poucos, co corazón apodrecido e débiles. Non sexamos nós os que nos atemoricemos polos seus disfraces de importancia e poder. Non son máis que ilusións. Adiante na loita.
By: Foro Social de Cangas on 24/12/2010
at 12:52
Benvidos a este recuncho do monte. SUPER-AGRADECID@OS pola vosa mensaxe de alento. Unha aperta e que viva o Morrazo.
By: MontePituco on 24/12/2010
at 13:23
Da gusto pertencer a confradía dos que saben escoitar a linguaxe das pedras e o latexar das árbores. Sempre haberá unha montaña á que subir e un monte polo que loitar. Bo Nadal a todos!!
By: asombradebouzapanda on 24/12/2010
at 17:15
Copio parte da mensaxe que un amigo dos montes nos enviou hoxe por correo electrónico:
“…Para que nos enrede a frescura da vida, para manter o pensamento positivo, na loita contra a inxustiza, a irmandade no encontro e na distancia, cada vez somos máis necesarios. Saúde e Terra para todos e todas”.
Estamos emocionados polas vosas mensaxes. Moitas grazas!
By: MontePituco on 24/12/2010
at 18:34
E reproducimos tamén a mensaxe que AgroEco nos deixa en Facebook:
“…Solidaridad y deseos de BuenaVentura para estos territorios cuya cultura y belleza son herencia valorable y digna de proteccion contra la ambicion y malos gobiernos. Apertas desde Chiapas, México”.
Lembramos que AgroEco realizou estudos de Forestais no Centro de Investigación de Lourizán e que dende o primeiro momento que establecemon contacto, sempre nos brindou o seu agarimoso apoio, malia a distancia. Unha aperta transoceánica, AgroEco!
By: MontePituco on 27/12/2010
at 21:13