Publicado por: MontePituco | 08/09/2010

ERMO FORESTAL

Estamos abocados ao ermo forestal, se non conseguimos virar as tornas. O bosque autóctono xa retrocedeu de máis; era o seu ir recuperando para piñeiros, carballos e castiñeiros o espazo que dende hai décadas foron gañando eucaliptos e acacias. Esta viñeta de Tomás Rodríguez Zayas ‘Tomy’, que gañou o Premio Curuxa de humor gráfico e que permanece exposta no Museo do Humor de Fene, advírtenos que a deforestación é un problema ecolóxico e social, que non se debe consentir a tala de grandes superficies naturais a calquera prezo. Non nos cabe na cabeza semellante deserto desolador no Monte Pituco (Pornedo), creando un antiestético baleiro visual en pleno saco da ría, sustituindo o verde das masas arbóreas polo gris do formigón e do asfalto ao longo de hectáreas e máis hectáreas de terreo.

Tomy Zayas finou este luns na Habana. Estaba considerado un dos caricaturistas cubanos máis prezados internacionalmente, cunha traxectoria colmada de premios non só na súa illa, senón tamén en Brasil, España e outros países. Este agrónomo de profesión tivo unha formación artística completamente autodidacta e, dende 1968, publicaba as súas viñetas en xornais e revistas.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: