Publicado por: MontePituco | 02/09/2010

A AA.VV. SAN XULIÁN SOBRE AS DOT

Outro dos colectivos que tamén presentou obxeccións ao documento das Directrices de Ordenación do Territorio foi a Asociación de Veciños de San Xulián, á que lle amosamos tamén o noso agradecemento e o noso recoñecemento polo labor que realizan a prol da mellora da parroquia, nas súas dotacións e servizos. A continuación, un fragmento das alegacións que formalizaron ante la Consellería de Medio Ambiente, Territorio e Infraestruturas.

…A Asociación de Veciños de San Xulián considera que os montes da nosa parroquia xa foron bastante agredidos, polo -moitas veces- mal chamado “progreso”. Non podemos seguir permitindo que nestas zonas se poidan seguindo levando a cabo actuacións agresivas co medio, que poden provocar un dano irreversible e a desaparición destes espazos naturais, do seu patrimonio historico e da súa riqueza paisaxística.

Consideramos unha incongruencia que no PXOM se contemple unha protección case total nos lugares da Pena, do Caeiro e dalgunhas zonas do río Lameiriña e, por outro lado, pretendan seguir seguir desmontando o Monte Pornedo para facer un hipotético parque industrial e permitirlle ao acuartelamento da Brilat seguir facendo chabolas ou o que lle veña en gana. O que xa non ten sentido é que non contemplen nas Directrices de Ordenación do Territorio, a medio prazo, a recuperacion do cauce do río Lameiriña no seu tramo urbano, e súa libre desembocadura no mar.

A Asociación de Veciños de San Xulián solicítalle á Consellería de Medio Ambiente, Territorio e Infraestruturas que se inclúan nas Directrices de Ordenación do Territorio, dentro da Rede Galega de Espazos Naturais, as zonas do lago de Castiñeiras o Monte Pornedo ou Pituco, Cotorredondo e os Montes do Morrazo, por seren de grande interese paisaxístico, ecolóxico e patrimonial. A protección dos Montes do Morrazo é unha demanda de moitos axentes sociais e, ademais, encaixa perfectamente cos obxectivos da DOT.

Demandamos criterios serios e equitativos na protección do río Lameiriña. Que as proteccións e recomendaccións que se lles aplican ás beiras dos cauces no ámbito rural, sexan as mesmas para a zona urbana. É necesario recuperar o cauce na zona do barrio Lameira, libre de irracionais entubamentos ata a súa desembocadura no mar.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

%d bloggers like this: