Publicado por: MontePituco | 13/07/2010

O SEPRONA, NO PITUCO

 

As xestións de DEFENDE O MONTE PITUCO para contribuir á mellora deste espazo a nivel ambiental están dando os seus froitos. Este pasado fin de semana recibimos a visita dos axentes do Servizo de Protección da Natureza na bisbarra do Morrazo. Percorreron diversas zonas afectadas pola proliferación de vertedoiros incontrolados e ilegais; uns feitos que estamos a denunciar ante as institucións públicas: Axencia de Protección da Legalidade Urbanística da Consellería de Medio Ambiente, Concellería de Medio Ambiente de Marín… e nos foros sociais nos que DEFENDE O MONTE PITUCO participa.

Así que o SEPRONA fixo o seu traballo, con interese e con rigor. Fotografaron os puntos onde se atopan os escombros, os accesos aos lugares, removeron os cascallos buscando elementos delatores da súa procedencia. E con todo este material van elaborar un informe que remitirán ás demais Administracións, principalmente a municipal, que é a que ten as competencias e a responsabilidade na eliminación destas mostras de inmundicia, de vergoña allea, de vandalismo.

…Porque se agardamos pola Comunidade de Montes, esa pandilla de cómodos, oportunistas e desinteresados, o Pituco morrería de asco. É o que pretenden: abandono e desidia para o Monte Pituco, para entregalo aos seus potenciais verdugos, o Concello e a Xunta, para cobrar canto antes pola súa permuta arelando que prospere o proxecto de polígono industrial, para encher as súas arcas particulares -que non a común- cuns ingresos envelenados pola cobiza.

Se non é polos veciños, que sufrimos con cada gaveta de lixo que se verte, NA-DA. Por diante, si, palabras correctas: “ah, eso está moi ben, porque tal e cal”. Logo, o que por unha orella lle entrou, pola outra lle saiu. Cando non rosman e maldín -que é o máis probable- porque xa están os de DEFENDE O MONTE PITUCO a incordiar e a meterse no medio. O noso traballiño nos custou que nos recolleran o escrito -e nos devolveran asinada unha copia de conformidade- para notificarlles a alarmante proliferación de verquidos.

Pandilla de cafres e desinformados. Que non sabían o que había que facer para denunciar a situación, que era moi difícil que as institucións fixeran caso. Excusas baratas e inverosímiles. Bastou un escrito ao Concello para que poñan á nosa disposición uns contedores para enviar o lixo a puntos autorizados, e presentar outra instancia na Subdelegación do Goberno para que o SEPRONA ao pouco contactara connosco. Seica lles ía saír unha hernia por facer estas xestións.

ASÍ QUEDEN EN EVIDENCIA, por incompetentes e ineptos.


Responses

  1. […] Aconteceu o pasado mes de xullo e así o contamos neste blogue: O SEPRONA, NO PITUCO. […]


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: