Publicado por: MontePituco | 12/07/2010

O LITORAL, NO LÍMITE

“Alcalde, dimisión!”, “inútiles!”, “goberno de terceira!”… foron algunhas das expresións de ira e de frustración coas que os veciños e veciñas do litoral de Marín -Aguete, Mogor, Loira, Teoira…- abuchearon os responsables municipais no pleno deste pasado venres. E nada mellor que ter deixado repousar os acontecementos para intentar facer unha análise o máis sensata posible sen deixarse levar polo fragor do momento.

Comeza a semana. E probablemente a estas horas estean xa camiño de Madrid os escritos que a plataforma veciñal lles quere enviar a los representantes de todos os grupos representados no Congreso dos Deputados, dende PP, PSOE e BNG, ata Esquerda Unida, Esquerra Republicana, Coalición Canaria, pasando por UPYD. Porque “a xente está moi crispada”, asegura o representante dos afectados.

E non é para menos. Levan oito anos, que se din pronto, coa Lei de Costas como unha espada de Damocles enriba das súas vivendas. Agora están cansos de promesas incumpridas, fartos de escoitarlle a Francisco Veiga que si, que xa falta pouco, que está xestionando a solución… Pero a paciencia rematou, “o alcalde demostrou a súa incapacidade para liderar este asunto, perdeu unha oportunidade histórica”, remarcan.

Os voceiros municipais comprometéranse a actuar conxuntamente e de xeito unánime, pero o concelleiro de urbanismo do BNG fixo anacos ese compromiso presentando unha moción urxente que obrigou o rexedor a interromper o pleno para improvisar unha xuntanza. Mentres o PSOE e o Bloque aprobaban a moción solicitando a reforma da Lei de Costas, á que tamén se sumou o PP malia tachar a medida de oportunista, os concelleiros independentes ausentáronse da votación indignados polo que consideraron un alarde inaceptable de protagonismo por parte do edil nacionalista.

Chegou un punto en que o debate era máis interesante fóra que dentro do pleno. Dentro, os políticos cos seus reproches habituais, o seu manido rifi-rafe, o seu discurso raiado e estéril. Fóra, os veciños cabreados, estupefactos, impotentes. Porque esa é a tónica social que predomina dun tempo a esta parte en Marín: malestar polas decisións arbitrarias do Goberno local, indefensión pola xestión impositiva, incertidume pola ausencia de diálogo ás peticións reiteradas de entrevista. Así nos sentimos en DEFENDE O MONTE PITUCO.

Os veciños do litoral veñen sendo un colectivo “respetuoso, sentado en todas as mesas de negociación, sen condicións”, explicaba Enrique Méndez con certo cansazo nas súas palabras de tanto rememorar a moviola dos acontecementos. Pero decidiron pasar á acción e mobilizarse, facerse oir nos plenos de agora en diante, sairlle ao encontro ao Ministro de Fomento cada vez que se achegue a Marín. O alcalde foi o seu interlocutor ata agora, mesmo os parlamentarios galegos dos tres principais partidos, pero “en Galicia xa está todo feito, vai ser en Madrid onde se van centrar os esforzos”.

E se Francisco Veiga non estivo á altura das circunstancias con eles ata agora, “cada cal tomará despois as súas decisións”. Soa a revancha electoral, non é?

PD: …Párense a ler os comentarios que acompañan as fotografías, pousando o punteiro sobre cada imaxe.


Responses

  1. Muy interesante eso de leer los carteles. Claro que sí, Pepiño Blanco tiene un chalet a 50 metros o menos de playa en la Illa de Arousa -al igual que el fiscal general del Estado, Cándido Copnde Pumpidu- y a ellos no les afecta esto. Como siempre, querida Montepituco hay dos varas de medir: la de los poderosos y la de la gente humilde. Este asunto del litoral está muy enmarañado como sabes. El culpable de todo lo que está sucediendo en el litoral marinense es la Corporación que gobernaba en 1987, al frente de la cual estaba el alcalde socialista Pierres. De aquellos polvos vienen estos lodos. Sinceramente creo que la cosa está más que complicada -Elena Espinosa y Martín Fragueiro, los dos gallegos, tienen mucho que decir, pero no dicen nada- y lo malo es que afecta al PXOM de Marín. En cierto modo el alcalde de Marín lo tiene muy difícil porque o está con el partido o está con los del litoral. No hay término medio.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: