Publicado por: MontePituco | 15/06/2010

NON APTO PARA IMPACIENTES

-Vilaboa (referíndose ao voceiro do PP de Pontevedra, Telmo Martín: …Quere levar o porto seco do porto de Marín, e levarse as empresas, que están aquí para cotizar p’a alí. E usté non di nada, usté calada, porque claro, porque se non no partido póñena… claro, Telmo é o que manda. A ver, usté non di nada. Chega Telmo, propón levar o porto seco para Vilaboa e Pontevedra e usté, o PP de Marín, agachado, non di nada. Por se acaso, Xestur di, que sale na prensa, que si, que están de acordo, de levar para alí o polígono. Nós lle presentamos unha necesidade, estudiada, de suelo empresarial, e estamos esperando a resposta. Mire, sabe o que lle digo? Xa para rematar. Podemos levar o auditorio, o polígono, o centro de saúde, e algunha infraestrutura máis p’a Pastoriza. Hai medios suficientes! Esa é a súa proposta coa que se vai presentar vostede. Vai levar todo para alá. Gracias, señor alcalde.

(Intervén o alcalde para que o debate non se desvíe a este outro tema).

(O alcalde dálle a palabra á voceira popular).

-María Ramallo: Gracias, señor alcalde. Para cerrar, la verdad que lamento mucho que no hayan entendido ustedes nada de lo que pretendíamos. Bueno, lo que piense el señor Vilaboa de la Escuela Naval, entendido. Lo que piense el señor Vilaboa de la Escuela Naval no me extraña nada, con lo cual está entendido. Pero mire, su compañero de Pontevedra, el señor alcalde, quiere llevar el puerto seco para la zona de Leborei… Es su concello, porque le molesta lo que dice Telmo Martín. Pero mire, señor Vilaboa, le suena Pastoriza? Pastoriza le suena, verdad? Le suena… Bueno, el bipartito no contempló ninguna zona en Marín para polígono industrial. Ninguna! Le suena Pastoriza, verdad, señor Vilaboa? Le suena! Bueno, pues por primera vez en la Xunta contempla la zona de Pastoriza como polígono industrial para Marín. Ustedes tenían un proyecto de llevarla para Bueu! No se acuerda, del proyecto del Bloque, de potenciar la zona empresarial e industrial de Bueu, y Marín cero? Pues esa era la apuesta! La nuestra es otra! Y cada cual juzgará en su momento quien apoya a unos o quien apoya a otros…

Sorprendeunos que non se mentara a palabra Pituco ou Pornedo neste pleno, sobre todo cando -sen figurar para nada na orde do día- saiu a relucir por enésima vez o debate en torno á creación de chan industrial en Marín. O rifi-rafe BNG-PP centrouse en Pastoriza e nas propostas xurdidas para que o porto seco se ubique fóra de Marín: entre Pontevedra e Vilaboa, como pretende Telmo Martín (para o que xa lle presentou a proposta ao conselleiro de Infraestruturas, ao presidente da Deputación e ao xerente de Xestur, todos eles do PP polo que, por suposto, lle deron a beizón), ou na zona de Leborei, como propón o alcalde de Pontevedra, Miguel Fernández Lores, do BNG.

Dende logo, hai que recoñecer que ademais de grande, o concelleiro de Urbanismo ten a cabeza dura: moito nos tememos que, se por el fora, ataría a unha silla ao presidente da Autoridade Portuaria e non o deixaría ceibe ata que asinara -aínda que fora agarrando o boli cos dentes- que o porto seco queda en terreos marinenses: todo sexa por amarrar os disputados ingresos para as arcas municipais en concepto de impostos e contribucións, ao máis puro estilo maquiavélico, o fin xustifica os medios. Pero onde! Mira que lle presta rizar o rizo. Se hai dez anos a Autoridade Portuaria desbotara xa o Pituco como alternativa para albergar as empresas portuarias por cuestións comentadas ata a saciedade (o desnivel do terreo, a falta de conexión ferroviaria…), onde pretende Xosé María Vilaboa adecuar espazo para un porto seco? Na casa da Veiguiña?

E resulta cando menos incoherente que Vilaboa se laie de que Marín e os veciños que viven a carón do porto “perderon a fachada marítima” pola sucesiva ocupación dos terreos gañados ao mar nos que se instalaron naves de diversa altura. Entón? Non lles quería cotizar a esas empresas? En que quedamos, queremos cotizar ou queremos fachada ao mar? Ou acaso Vilaboa quere recuperar a fachada ao mar, a nivel do mar, para destrozar a fachada ao mar, 300 metros sobre o nivel do mar, é dicir, no Monte Pituco? Total, desvestir un santo para vestir outro, dito sexa en sentido metafórico, tendo en conta o presuposto laicismo do concelleiro de Urbanismo…

Pois este é tipo de discurso-besugo que nos queda ata que pasen as próximas eleccións municipais, así que ármense de pacencia, prezados conveciños e conveciñas, para aturar estériles debates de tres horas (como este celebrado en xuño) e máis. Porque, como dixeron Miguel Suárez Briones e Isabel Martínez Epifanio, de MAR-IN, nótase no pleno o ambiente de pre-campaña. De feito, poderíase dicir que esa atmosfera pre-electoral leva moito tempo instalada no salón consistorial, que as escopetas están cargadas dende hai moito tempo, e que máis nos vale aillarnos de todo ese ruido de tan poucas noces, pola nosa saúde física e mental.

Pleno de bla-bla-bla:

Dende os bancos do PSOE, Muradas lembrou a súa veteranía na Corporación municipal, como para revalorizar a súa sabedoría dos intríngulis lúdico-político-festivos. Tamén tildou de “cicatero” o porto de Marín pola ausencia de cesión de terreos á vila. En canto ao alcalde, está demostrado que os discursos en público non son o seu forte, pero dun tempo a esta parte está desenvolvendo un excesivo e innecesario catálogo de linguaxe non verbal, sobre todo de aspaventos cos brazos, ata o punto que en máis dunha ocasión, Manuel Ruibal -perigosamente situado á súa dereita- tivo que esquivar as súas manobras para non acabar co dedo índice de Francisco Veiga incrustado nun ollo.

Dende o recuncho popular do cuadrilátero, María Ramallo adicouse a raquetear coas “faltadas” que lle zoscaba Vilaboa cando lle atribuía “escribir os discursos no avión”, entre viaxes de ida e volta a Madrid, onde exerce de diputada no Congreso.

Dende o bando nacionalista, Vilaboa ciscou acusacións de oportunismo contra o PP. Tamén á súa “dereita”, e sen que sirva de dobre precedente, Pilar Blanco tamén tivo o seu momento de gloria cando, en pleno debate sobre a reducción de soldos por mor da crise, instou a María Ramallo a renunciar aos seus ingresos como parlamentaria estatal (alguén falou de oportunismo?).

Menos mal que de súpeto, saiu de entre o público a voz de Xan Montenegro, sacando do letargo e do principio de soneca a máis dalgún que xa empezaba a cabecear: “A ver, pero canto ides cobrar! Facede as contas!” Iso dixo, aderezado con algún exabrupto irreproducible (Xan, vai lavar esa boca con xabón), aínda que comprensible, polo tedioso e improdutivo da sesión. Total, para que o alcalde se acabara desculpando ante a oposición porque non tiñan feito o cálculo da porcentaxe que se ían rebaixar os cargos máis directos a partir da nómina deste mesmo mes de xuño, pero que a reducción sería de entre o 7 e o 10%. Un potosí, vamos…

Os problemas urbanísticos para a construcción do centro de saúde consumiron outra boa dose de tempo: entre o feixe de papeis que Vilaboa levantaba no aire para demostrar o seu arduo traballo de xestión, e o alcalde facendo propósito de chantaxear a Xunta, foi outro intre sonado. Non en van, se a Xunta non desbloquea este proxecto, Veiga está disposto a someter a inspección as instalacións do Sergas, principalmente o centro sanitario da rúa da Estrada, e ao extremo de pechar aquelas que non reúnan condicións. Falando de condicións, a esas alturas da noite, o zunido dos altofalantes que están orientados cara ao público xa era insoportable. Por que non dotarán o salón de plenos dun sistema de audio decente que non levante dor de cabeza no respectable?

E por fin, rogos, preguntas e últimos bla-bla-bla. Briones volveuse interesar unha vez máis polo poste de Telefónica que leva virado dende finais do ano pasado no camiño dende o Iglesario de San Xulián ata o colexio do Carballal. A resposta do alcalde, similar á que deu na anterior ocasión que se lle preguntou por este asunto, foi botarlle a culpa ao enxeñeiro municipal, pero que xa se ocuparía el persoalmente de xestionar o seu arranxo. E dende o PP tamén se interesaron polo estado que presentan as cunetas de varios viais. As da estrada de Figueirido á altura do Caeiro xa presentan mellor aspecto, pero non grazas ao Concello, nen á Deputación, senón grazas ao esforzo dos veciños e veciñas. Pero que se lle vai facer: é que estamos en pre-campaña.


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Categorías

A %d blogueros les gusta esto: