“Así coida o Concello de Marín as súas áreas de lecer”.
José Manuel Domínguez
A opinión que un dos asistentes á Andaina polo Monte Pituco ao solpor compartiu en redes sociais tralo roteiro era un sentir xeral entre tod@s @s participantes. A arboreda do Pituco, punto de encontro da convocatoria, presenta un estado lamentable. Pero á marxe da responsabilidade que poida ter o Concello de Marín en tanto se trata dun terreo situado no seu ámbito territorial e ademais é utilizado como área recreativa aberta ao público, a entidade á que lle corresponde facerse cargo do seu mantemento é a Comunidade de Montes de San Xulián, propietaria da parcela.
Vexetación medrando de forma descontrolada, árbores con pólas podres e rotas, fontes de dubidosa salubridade que constantemente perden auga pola billa, ausencia de valado de protección para evitar caídas por desnivel, presenza de lixo e verquidos ilegais de colchóns e pantallas de ordenadores… ese é o penoso e vergoñento aspecto deste espazo. De que valen ordenanzas municipais como, por exemplo, a de Protección do Medio Ambiente?
[Fotos de José Manuel Domínguez]
“Gozamos da natureza, do patrimonio e da historia dun lugar ignorado e silenciado polas institucións locais. O antídoto: ir visitalo”.
Sandra Pesqueira
[Fotos de Sandra Pesqueira]
[Foto de Andrea Bernárdez]
“Despois de dez anos de loita, Salvemos o Monte Pituco conseguiu tumbar o proxecto de construcción dun parque empresarial no monte, salvando o seu patrimonio natural e arqueolóxico. Grazas por defendelo e por organizar estas actividades que amosan o gran valor do noso territorio”.
Laura Freire
[Fotos de Laura Freire]
[Fotos de Gloria BC]
Moitas grazas a tod@s por visitarnos, por inmortalizar con estas fotografías a experiencia e por contribuír á difusión dos valores que atesoura o ‘balcón da ría’!
DEFENDE O MONTE PITUCO (Pornedo) 
Deixar unha resposta