Un ano máis, fieis á tradición de colleitar as plantas para aromatizar e purificar a auga coa que, na mañanciña de San Xoán, nos lavaremos. Unha parte importante desta abundante e colorida cesta de herbas e flores medran no Pituco: sabugueiro, codeso, estalote, castiñeiro, falsa árnica, tromentelo, fiúncho, macela, mentraste… Outras procederán das hortas situadas ao pé do monte. E o líquido elemento ten a súa orixe tamén nos acuíferos centenarios que percorren as entrañas do ‘balcón da ría’.
Sexa pola calidade incuestionable da materia prima, sexa pola fe que move montes e montañas, o ‘meigallo’ cruel que pendía coma unha espada de Damocles sobre este Espazo Protexido do bravo Morrazo, desapareceu coma o fume das cacharelas. Ningún polígono industrial virá empañar o futuro que o solpor pinta de dourado.
Meigas fóra! Pro-polígonos fóra!
Invocando a protección das herbas de San Xoán para o conxunto rupestre do Pornedo
Do monte, á fonte, para empaparnos de maxia
DEFENDE O MONTE PITUCO (Pornedo) 
Deixar unha resposta