Publicado por: MontePituco | 09/01/2018

ILP POLO BOSQUE AUTÓCTONO

ILP para a defensa do bosque autóctono

Esta semana presentarase en Pontevedra a Iniciativa Lexislativa Popular para a Defensa do Bosque Autóctono e a Loita contra os Incendios. Varios colectivos da contorna vanse sumar a esta acción da plataforma Cousa de raíces co obxectivo de reunir, ata o 24 de marzo, as 10.000 sinaturas necesarias para que a ILP se chegue a debater no Parlamento galego.

Instalaranse mesas informativas en zonas concorridas da cidade para que a veciñanza que estea de acordo coa proposta poida secundala coa súa firma, organizaranse charlas para dar a coñecer a situación actual dos montes e promoveranse mocións nos plenos dos concellos.

Segundo os datos de colectivos ecoloxistas como ADEGA, o eucalipto ocupa un de cada cinco metros cadrados de solo galego e a expansión desta especie invasora e pirófita supera o medio millón de hectáreas, o 17% do territorio. Esta ILP propón que, seguindo o exemplo de Portugal, se aplique unha moratoria para as novas plantacións de eucalipto e se erradique de espazos protexidos, das terras de alto valor ecolóxicos e das áreas pertencentes á Rede Natura.

Os expertos denuncian o abandono do medio rural, do que responsabilizan as políticas “planificadas e perversas” da Xunta: entre 2013 e 2016 desapareceron unhas 3.400 explotacións agrícolas e perdéronse 34.000 hectáreas de superficie agraria útil.

Outro factor a ter en conta é a presenza da empresa pasteira ENCE e a instalación de plantas de biomasa: xa se están tramitando tres dunha capacidade de 50 megawatios. Precisamente, os terreos que progresivamente se deixan de traballar son susceptibles de sucumbir á lacra da eucaliptización.

Cómpre que a cidadanía saiba que o risco de incendio nun eucaliptal é 3,55 veces maior que nos bosques de arborado autóctono. Supera tamén en 1,14 puntos a incidencia dos lumes nas masas de piñeiro.

A ILP pódese consultar na ligazón que segue:

INICIATIVA LEXISLATIVA POPULAR PARA A DEFENSA DO BOSQUE AUTÓCTONO E A LOITA CONTRA OS INCENDIOS

Paralelamente á xuntanza dos colectivos a prol da ILP, en Marín a Marea Veciñal organizaba unha charla co lema Política forestal como solución aos lumes.

En boa parte da sociedade hai un clamor contra o actual modelo de xestión, a involución á que conducen as modificacións na Lei de Montes, a ‘barra libre’ ao espallamento do eucalipto coas beizóns do Goberno galego e co aplauso das empresas que se benefician deste cultivo masivo.

Logo chegan os lamentos desesperados, a indignación pasaxeira e os falsos propósitos de enmenda cando o lume consume os bosques, aniquila o patrimonio cultural, arrasa vivendas e granxas, e mesmo provoca mortes. Pero antes de laiarse hai que previr, lembrarse de Santa Bárbara non só cando trona, e actuar en consecuencia antes de seguir caendo na inercia das políticas interesadamente erradas que propician o enriquecemento duns poucos a conta de estragar o medio ambiente e a biodiversidade.

Política forestal como solución aos lumes


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: