DEFENDE O MONTE PITUCO (Pornedo)

Antonio Costa formou parte da Sección de Prehistoria e Arqueoloxía do Instituto Pai Sarmiento adscrito ao Consello Superior de Investigacións Científicas. Tamén foi correspondente do Museo de Pontevedra en Moaña -a súa vila natal- e durante a década de 1970 dedicouse a elaborar a catalogación arqueolóxica do Morrazo. Especialista en arte rupestre e megalítico, investigador e divulgador, actualmente dedícase á reconstitución dixital en 3D dos xacementos da contorna. As Xornadas pola protección e posta en valor do patrimonio de San Xián de Marín comezarán cunha ‘barferencia’ na Adega A Capeleira de Marín (rúa do Forno, 23) na que explicará en que consiste esta técnica, aplicada aos petróglifos que abundan nos montes da parroquia. Ademais, é un dos integrantes de Anova Terra e preside a Irmandade Illa de Tambo.