Publicado por: MontePituco | 14/08/2017

RUTA NOCTURNA POR SETE CAMIÑOS COS PARTICIPANTES DE COMUNIX

Próxima ruta nocturna cos rapaces de Comunix

Este sábado teremos a honra de recibir no Monte Pituco (Pornedo) a unha vintena de mozos de Galicia, Portugal e Italia que están participando no proxecto europeo Comunix, coordinado a nivel autonómico pola Cooperativa Trespés. Esta semana comezan un intenso e interesante programa formativo arredor do monte veciñal como fórmula de xestión comunitaria do territorio, que os levará coñecer o modelo de xestión da exemplar Comunidade de Montes de Salcedo, a visitar o Centro de Investigacións Forestais de Lourizán, achegarse ata Hío para comprobar o funcionamento dun proxecto de explotación de gando caprino no monte comunal desa parroquia canguesa, e facer un percorrido nocturno polo Espazo Natural e Arqueolóxico dos Sete Camiños. 

Aí entra a colaboración da Asociación Monte Pituco, que vai exercer de anfitriona desta andaina a través dos conxuntos rupestres de Pornedo e Sete Camiños en San Xulián, e de Chan das Mouras en Salcedo. Abarcaremos así os tres principais motivos de representación rupestre que temos nesta zona: figuras circulares e abstractas, armas e zoomorfos.

Próxima ruta nocturna cos rapaces de Comunix

Non deixaremos atrás unha forma tan chamativa de inscrición ‘moderna’ como a que deixou José Meijón en numerosos puntos da xeografía marinense e da contorna.

DSC_0513-min

Conxunto rupestre do Pornedo, nº1

Próxima ruta nocturna cos rapaces de Comunix

Petróglifos de Sete Camiños

Próxima ruta nocturna cos rapaces de Comunix

Próxima ruta nocturna cos rapaces de Comunix

O paso pola zona que abrangue o alto do Pornedo e Sete Camiños tamén vai permitir que observemos elementos de interese etnográfico relacionados coas antigas canteiras tradicionais, que abasteceron de pedra para a construcción de vivendas e edificacións próximas. As marcas dos guillos e das cuñas están moi presentes na historia deste enclave pertencente ao Espazo Natural dos Montes do Morrazo, que constitúe un punto de indubidable interese paisaxístico e que actúa como verdadeiro ‘balcón da ría’.

Próxima ruta nocturna cos rapaces de Comunix

Tamén nos deteremos -mentres a luz do atardecer o faga posible- nas especies de flora e de fauna máis características da matogueira, como ecosistema predominante nesta área. Nestas alturas do verán xa están deitando a súa semente os exemplares de Allium e, asemade, tamén están florecendo a Calluna vulgaris e a Erica ciliaris.

DSC_0507-min

Próxima andaina cos participantes de Comunix

Con sorte, mentres se vai poñendo o sol, poderiamos presenciar a chegada dalgún barco cargueiro ao porto de Marín.

Mais, o espectáculo único, incomparable e irrepetible que se pode gozar dende o ‘balcón da ría’ en todo o seu esplendor é o crepúsculo.

Agardamos que estes mozos e mozas aprecien o valor natural, cultural e histórico o Monte Pituco, e que sexan embaixadores e embaixadoras desta beleza aló a onde retornen trala súa experiencia no proxecto Comunix.

Próxima andaina cos participantes do proxecto Comunix

Próxima andaina cos participantes do prxecto Comunix


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

Categorías

%d bloggers like this: